10 ýaşly russiýaly küştçi Roman Şogjiýew resmi taýdan halkara ussat adyny aldy. Bu barada Russiýanyň Küşt federasiýasynyň metbugat gullugy habar berdi.
TASS-yň maglumatlaryna görä, Şogjiýew bu tituly almak üçin zerur bolan üç düzgüniň ählisini ýerine ýetirmek bilen, iň ýaş küştçi boldy. Bu ada eýe bolan wagty ol 10 ýyl, 3 aý, 21 gün ýaşyndady.
Russiýanyň Küşt federasiýasy rekord baradaky maglumatyň Ginnesiň rekordlar kitabyna we Russiýanyň rekordlar kitabyna iberiljekdigini belledi.
Şogjiýew 10 ýyl, 8 aý we 16 gün ýaşynda halkara ussat bolan argentinaly Faustino Oronyň rekordyny täzeledi.
Şu ýylyň ýanwarynda Şogjiýew 9 ýyl 10 aý ýaşynda wagty halkara ussat adynyň birinji düzgünini ýerine ýetiren iň ýaş küştçi boldy.
Halkara ussat – bu küşt dünýäsinde iň ýokary baýrak bolan grossmeýster adyny almak üçin möhüm ädimleriň biridir.
