Türkmenistanly agyr atletikaçy Tokio Olimpiadasynda 6-njy ýer aldy

  • 27.07.2021 08:21
  • 19k+

Tokiodaky Olimpiýa oýunlarynda aýallaryň arasynda 55 kg agrama çenli agyr atletika boýunça ýaryşlar geçirildi. Türkmenistanyň 28 ýaşly wekili Kristina Şermetowa ştangany silterläp götermekde 90 kilogram, itekläp götermekde ikinji gezekde 115 kg agramy götermegi başardy we ýaryşy 6-njy orunda tamamlady.

Filippinli türgen Hidilin Dias 55 kg çenli agram kategoriýasynda agyr atletika boýunça Olimpiýa ýaryşynyň ýeňijisi boldy. Ştangaçy jemi 224 kg netijäni (ilkinji synanyşykda – 97 kg, itekläp götermekde – 127 kg) görkezdi. Kümüş medaly hytaýly Lýao Sýuýun (223), bürünç medaly Gazagystanyň wekili Zulfiýa Çinşanlo (213) aldy. 
Dias iki Olimpiýa rekordyny goýdy: itekläp götermekde we iki maşkyň jemi boýunça. Dias 30 ýaşynda, ol üç gezek dünýä çempionatynyň bürünç medalyny gazandy (2015, 2017, 2019). Şeýle-de, onuň hasabynda Aziýa çempionatynyň (2015) we Aziýa oýunlarynyň (2018) altyn medaly bar.

 

Ýaryşyň gutarnykly netijeleri şulardan ybarat:

  1. Hidilin Diaz (Filippinler) - 224 kg (97+124) - olimpiýa rekordy
  2. Kiýun Liao (Hytaý) - 223 kg (97+126)
  3. Zulfiýa Çinşanlo (Gazagystan) - 213 kg (90+123)
  4. Muattar Nabiýewa (Özbegistan) - 212 kg (98+114)
  5. Kamila Konotop (Ukraina) - 206 kg (94+112)
  6. Kristina Şermetowa (Türkmenistan) - 205 kg (90+115)
  7. Ham Yn-Ji (Günorta Koreýa) - 201 kg (90+115)
  8. Nua Landulsi (Tunis) - 196 kg (88+108)
  9. Ana Lopes (Meksika) - 195 kg (90+105)

26.07.2025 17:04
3.9k+

Aşgabatdaky Kikboks we Boks zaly çagalar hem ýetginjekler üçin türgenleşikleri guraýar

Aşgabatda Olimpiýa şäherçesinde ýerleşýän Kikboks we Boks zaly 6 ýaşdan 18 ýaşa çenli çagalary hem ýetginjekleri sportuň kikboks we boks görnüşleri boýunça türgenleşiklere ýazylmaga çagyrýar. Sportuň bu görnüşleri boýunça ussat tälimçiler islendik çaganyň fiziki işjeňligini, tizligini we çydamlylygyny ýokarlanmaklaryna, beden taýýarlygyny taplamaklaryna, urgy tehnikalaryny özleşdirmeklerine ýardam ederler...

25.07.2025 17:05
17k+

Türkmenistandan Merdan we Şöhrat Toýlyýewler "Ýüpek ýoly - 2025" halkara rallisinde ýeňiş gazandylar

22-nji iýulda Gorno-Altaýsk (RF) şäherinde «Ýüpek ýoly» halkara rallisi tamamlandy. T2 seriýaly off-road ulaglarynyň ýaryşynda umumy hasap boýunça 214 belgide çykyş eden doganlar Merdan we Şöhrat Toýlyýewler ýeňiş gazandylar...

14.07.2025 19:31
17k+

Alp Arslan Begenjow erkin göreş boýunça ýaşlaryň arasynda Aziýanyň çempionatynda bürünç medal aldy

18 ýaşly türkmen pälwany Alp Arslan Begenjow 20 ýaşa çenli türgenleriň arasynda Gyrgyzystanyň Bişkek şäherinde geçirilýän erkin göreş boýunça Aziýanyň ýaşlar çempionatynda 79 kg agram derejede üçünji orny eýeledi...