Amerikanyň Kubogy: Argentina finala çykdy. Ol Braziliýa bilen duşuşar

  • 07.07.2021 12:05
  • 6.8k+

Argentinanyň milli ýygyndysy Amerikanyň Kubogy - 2021-iň finalyna çykdy. Finalda olar ýer eýeleri Braziliýa bilen duşuşar.

Ýarym finalda argentinalylar Kolumbiýadan üstün çykdylar. Duşuşygyň esasy wagty deňme-deňlikde tamamlandy — 1:1, 11 metrlik urgularda argentinalylar ýeňiş gazandy - 3:2.
Oýnuň esasy wagtynda Lautaro Martines 7-nji minutda Lionel Messiniň pasy bilen hasaby açdy. 61-nji minutda Luis Dias hasaby deňledi.
Argentinaly derwezeban Emiliano Martines 11 metrlik urgularyň üçüsini aýyrdy. Kolumbiýalylardan Dawinson Sançesiň, Ýerri Minanyň we Edwin Kardonanyň synanyşyklary şowsuz boldy, argentinalylardan Rodrigo De Paul gol geçirip bilmedi.
Şeýlelikde, Amerikanyň Kubogynyň finalynda tomaşaçylar taryhy gapma-garşylykly oýna tomaşa ederler — Argentina ýarym finalda Peruny ýeňen Braziliýa bilen oýnar - 1:0. Duşuşyk 11-nji iýulda ir sagat 05:00-da (aşg. wagt) başlar. Kolumbiýa 3-nji ýer ugrundaky oýunda Peru bilen oýnar, duşuşyk 10-njy iýulda sagat 05:00-da (aşg. wagt) başlar.


22.08.2025 19:07
15k+

Nike Braziliýadan sekiz ýaşly futbolçy bilen şertnama baglaşdy

Nike Braziliýadan “Flamengo” klubunyň çagalar toparynda çykyş edýän sekiz ýaşly futbolçy Natansinýo bilen şertnama baglaşdy. Bu barada O Globo neşiri habar berýär. Geçen möwsümde Natansinýo 8 ýaşa çenli oýunçylaryň arasynda Rio-de-Žaneýronyň çempionatynyň iň gowy bombardiri boldy...

21.08.2025 16:32
8.4k+

44 ýaşly braziliýaly derwezeban futboldaky oýunlarynyň sany boýunça rekord goýdy

“Fluminenseniň” braziliýaly derwezebany Fabio professional futbolda gatnaşan oýunlarynyň sany boýunça rekord eýesi boldy. Onuň hasabynda indi 1391 oýun bar. 44 ýaşly futbolçy çarşenbe güni Günorta Amerika kubogynyň 1/8 finalynyň Kolumbiýanyň “Amerika De Kali” toparyna garşy oýnuna başlangyç düzümde çykdy...

24.07.2025 17:38
6.8k+

Argentinada geçen awtoýaryşda 4 sürüji  0,042 sekuntdan hem az aratapawut bilen pellehanadan geçdi

Argentinada geçirilen Turismo Pista ýaryşynda dört sürüji 0,042 sekuntdan hem az aratapawut bilen pellehanadan geçdi. Ýeňijini diňe fotofiniş netijesinde kesgitlemek başartdy diýip, La Dereсha Diario neşiri ýazýar...

20.07.2025 13:51
10k+

Rio-de-Žaneýroda Winisiusyň mumdan ýasalan heýkeli peýda boldy

Braziliýanyň milli ýygyndysynyň we Madridiň “Realynyň” wingeri Winisius Žunior Rio-de-Žaneýroda özüniň mumdan ýasalan heýkeliniň tanyşdyrylyşyna gatnaşdy. Heýkel futbolçyny milli ýygyndynyň eşiginde şekillendirýär...