Birleşen Milletler Guramasynda ekologiýa zyýanly bolan plastik gaplamalara garşy göreşmek boýunça möhüm ädim hakynda aýdyldy. Gürrüň, köplenç, olaryň önümçiliginde ulanylýan aýratyn himikaty gadagan etmek mümkinçiligi barada barýar diýip, «Daily Mail» tabloid gazeti «Greenpeace» guramasy bilen bilelikde taýýarlan habarynda beýan edýär. Ony lenta.ru saýty paýlaşýar.
UV-328 maddasy gaplamalaryň köp görnüşleriniň düzüminde saklanýar. Barlaglaryň netijeleri bolsa onuň adamlaryň we haýwanlaryň saglygyna zyýan ýetirýändigini görkezýär. Bu himikat janly zatlaryň bedeninde köp möçberde toplanyp, bagryň we böwregiň işine ýaramaz täsirini ýetirip biler.
Alymlar UV-328 maddasynyň gadagan edilmeginiň plastik gaplamalary yzda galdyrmak üçin ilkinji basgançak boljakdygyny aýdýarlar. Bu babatda degişli teklibi BMG-niň maslahatynda Şwesiýanyň wekilleri öňe sürdüler we häzirki wagtda ol guramanyň kadalaşdyryjy düzümleri tarapyndan ara alnyp maslahatlaşylýar.
«Daily Mail» neşirinde bellenilişi ýaly, senagat kärhanalary beýle gadagan edilmäniň mümkinçiliklerinden närazy boldular hem-de häzirden plastik düzüm bölekleriniň beýleki howply himikatlar bilen bolşy ýaly derejede kadalaşdyrylmagyna garşy göreşip başladylar.
