Science žurnalynda Hytaýda geçirilen giň gerimli ekologik barlagyň netijeleri çap edildi. Onda alymlar 2021-nji ýylda Ýanszy derýasynyň howzunda täjirçilik maksatly balyk tutmaga girizilen on ýyllyk moratoriýanyň netijelerine baha berdiler. Seljerme bu çäreleriň takmynan 70 ýyllap dowam eden biodürlüligiň azalmagyny saklamaga mümkinçilik berendigini görkezdi.
Gadaganlyk girizilmezden öňki (2018–2020-nji ýyllar) we ondan soňky (2021–2023-nji ýyllar) döwürleriň maglumatlarynyň deňeşdirilmegi uly üýtgeşmeleri ýüze çykardy. Derýadaky balyklaryň umumy bioagramy 209% artdy, görnüşleriň sany bolsa 13% köpeldi. Barlagçylaryň maglumatyna görä, balyklar has ulaldy we olaryň fiziki ýagdaýy gowulandy.
Oňyn üýtgeşmeler seýrek görnüşleriň arasynda hem hasaba alyndy. Ganatsyz deňiz doňuzlarynyň — derýa delfini ýitip gidenden soň Ýanszyda galan ýeke-täk süýdemdiriji haýwanyň sany 2017-nji ýyldaky 445 sanysyndan 2022-nji ýylda 595-e ýetdi.
Awtorlar ekoulgamyň dikelmegiň irki tapgyryndadygyny belleýärler. Moratoriýa balyk tutulmagyny azaltsa-da, derýa heniz hem bentleriň, işjeň gämi gatnawynyň we hapaçylygyň zyýanly täsirini çekýär.
Alymlar gadaganlygyň möhletinden öň ýatyrylmagynyň ýa-da balyklaryň bentlerden geçmegi baradaky meseleleriň çözülmezliginiň gazanylan netijeleri puja çykaryp biljekdiginden aladalanýarlar.
