Olimpiýa çempiony Powetkin karýerasyny tamamlady

  • 15.06.2021 21:55
  • 12k+

Meşhur rus boksçusy Aleksandr Powetkin özüniň sport karýerasyny tamamlaýandygyny mälim etdi. Bu barada Sputnik gullugy habar berdi.

Powetkin Bütindünýä boks geňeşiniň öňki wagtlaýyn çempiony we agyr agramda Bütindünýä boks assosiasiýasynyň öňki çempiony bolup durýar.
Şu ýylyň mart aýynda 41 ýaşly Powetkin iňlis Dillian Waýtdan tehniki nokaut bilen ýeňildi we WBC-niň wagtlaýyn çempionynyň guşagyny ýitirdi. Şondan soň Powetkine wekilçilik edýän promouter kompaniýasy ony sport karýerasyny tamamlamaga yrjakdyklaryny aýdypdy.

"Ýaş gidip barýar, men karýeramy tamamlamagy makul bildim. Indi 20 ýaş ýok. Şeýle karara gelmek hemişe kyn" -diýip, Powetkin žurnalistlere aýtdy.

Sportçy professional ringde 36 ýeňiş gazandy we bary-ýogy üç gezek ýeňildi. Powetkin 2004-nji ýylda Olimpiýa çempiony boldy. Häzire çenli ol iki gezek Dünýä çempiony bilen ringe girdi, ýöne asgyn geldi. Ol 2013-nji ýylda ukrainaly boksçy Wladimir Kliçkodan, 2018-nji ýylda bolsa britaniýaly Entoni Joşuadan ýeňildi.


25.07.2025 17:10
8.9k+

Aleksandr Usik WBO-nyň guşagyny saklap galmak üçin Jozef Parker bilen duşuşmaly bolar

Agyr agram derejesinde boks boýunça dünýäniň absolýut çempiony ukrainaly Aleksandr Usik Bütindünýä boks guramasynyň (WBO) wersiýasy boýunça dünýä çempiony adyny saklap galmak üçin täze zelandiýaly Jozef Parker bilen söweşmeli bolar...

20.07.2025 14:08
9.1k+

Tim Szýu WBC-niň çempiony tituly üçin söweşde Sebastýan Fundoradan ýeňildi

19-njy iýuldan 20-nji iýula geçilen gije Las-Wegasdaky “Ti-Mobaýl Arenada” birinji orta agramda WBC-niň çempiony tituly üçin Tim Szýu bilen Sebastýan Fundoranyň arasynda boks söweşi geçirildi. Söweş ýedi raund dowam edip, amerikaly boksçynyň ýeňmegi bilen tamamlandy...

20.07.2025 14:04
5.8k+

Menni Pakýao bilen Barriosyň arasyndaky titul söweşi deňme-deň tamamlandy

Sekiz agram derejesinde öňki dünýä çempiony Menni Pakýao Las-Wegasda amerikaly Mario Barrios bilen söweşdi. Söweş 12 raund dowam edip, deňme-deň tamamlandy. Şeýlelikde, 46 ýaşynda karýerasyny dikelden Pakýao 30 ýaşly Barriosdan ýarym orta agramda Bütindünýä boks geňeşiniň (WBC) çempiony titulyny alyp bilmedi...

20.07.2025 12:51
11k+

Usik Dýubuany nokauta gidirip, absolýut dünýä çempiony adyny gaýtaryp aldy

Ukrainaly boksçy Aleksandr Usik agyr agramda absolýut dünýä çempiony ady üçin söweşde britaniýaly Daniel Dýubuany ýeňdi. Londonyň Uembli stadionynda geçen söweş bäşinji raundda nokaut bilen tamamlandy. Usik Bütindünýä...