Köp mukdardaky duz ýürek-damar ulgamyna zyýan ýetirýär, ýöne aşa ýuwan naharlar hem bedene kän bir peýda bermeýär. Bu barada lukman-dietolog, lukmançylyk ylymlarynyň kandidaty Irina Berežnaýa Sputnik radiosyna beren interwýusynda aýtdy.
Eger duz artykmaçlyk etse, gan basyş ýokarlanýar, tersine ýetmezçilik etse, peselýär. Bedende duz ýetmezçiligi ysgynsyzlyk, başyň aýlanmagy we iýmit siňdiriş ulgamyndaky meseleler bilen häsiýetlendirilýär. Şoňa görä-de, lukman duz ulanylanda, onuň kadaly ölçegini saklamagy maslahat berýär. Uly adamyň her günki normasy — 7 gram.
Lukmanyň aýdyşy ýaly, adamyň duzuň haýsy görnüşini ulanýandygy hem uly orun tutýar. Ýodlaşdyrylan duz adaty duza garanyňda, has peýdalydyr. Muňa garamazdan, açyk howada duz çalt bugarýar, şonuň üçin ol öz alamatlaryny tiz ýitirýär. Şol sebäpli hünärmen deňiz duzuny ulanmagy maslahat berýär.
