Google kompaniýasy tomusda Nýu-Ýorkda öz önümleriniň ownuk söwdasy üçin ilkinji dükanyny açar. Bu barada kompaniýanyň metbugat relizinde habar berilýär diýip, TASS belleýär.
“Çelsi etrabyndaky täze Google Store alyjylaryň biziň enjamlarymyza we hyzmatlarymyza mynasyp baha berip biljek ýeri bolar” – diýlip, habarda aýdylýar.
Bu dükanda Pixel smartfonlary, Nest displeýleri, Fitbit gurluşy, Pixelbook elektron kitaplary ýaly Google önümleriniň giň toplumy hödürlener. Şeýle-de, alyjylar onlaýn söwda edip, harytlaryny Google Store-de alyp bilerler.
“Biz fiziki söwda meýdançalarynyň mümkinçiliklerini öwrenmegi we tejribe geçirmegi hem-de alnan tejribelere esaslanmagy dowam etdirip biler ýaly, müşderilerimiz bilen duşuşmaga we olaryň dükan baradaky garaýyşlaryna sabyrsyzlyk bilen garaşýarys” – diýlip, kompaniýanyň metbugat relizinde görkezilýär.
Google internetdäki taslamalara we hyzmatlara ýöriteleşýär, ol häzirki wagtda Alphabet Inc. holdinginiň bölünip aýrylan kompaniýasydyr.
