Türkmenistanda Coca-Cola gaýtadan öndürilip başlandy. Iýul aýynyň başynda ýerli bazarda "Türkmenistan Coca-Cola Bottlers" kompaniýasy “Klassik” we “Zero” markalary bilen meşhur içgini paýlap başlady, diýip Arzuw News belleýär.
“Türkmenistan — Bitaraplygyň mekany” nyşany bilen öndürilen bu içgiler import edilýänlere garanyňda, bazarda 3 esse arzan satylýar. Şeýlelik bilen, ýerli önümçiligiň bir litrlik "Klassik" kolasy 10 manatdan, 1 litr "Zero" - 8 manatdan satylýar.
Ýadymyzda bolsa, soňky ýyllarda ýerli “Coca-Cola” öndürijisi ýokarda agzalan görnüşleriň önümçiligini wagtlaýyn togtadypdy. 2019-njy ýylda bolsa kompaniýa meşhur “Sprite” içgisini öndürip başlapdy.
2009-njy ýyldan bäri “Türkmenistan Coca-Cola Bottlers”-iň 59,5% paýy “Coca-Cola İçecek” (CCI) türk kompaniýasyna degişlidir.
