Netflix kompaniýanyň taryhynda iň gymmat filmi çykarar

  • 18.07.2020 23:37
  • 10k+

Netflix striming hyzmaty kompaniýanyň taryhynda iň gymmat boljak filmi çykarar. Bu barada kulturomania.ru habar berýär. Mark Griniň romanynyň esasynda döredilen lenta “Çal adam” (“Серый человек”) ady bilen çykar. Kartina bilen “Ar alyjylar: Final” (“Мстители: Финал”) filminiň meşhur seriýalarynyň režissýorlary Entoni we Jo Russo meşgullanar. Ssenariýaçylar bolup Kristofer Markus bilen Stiwen Makfili çykyş eder. Filme Raýan Gosling, şeýle-de Marvel-de Kapitan Amerikanyň roly boýunça belli bolan Kris Ewans gatnaşar. Filmi düşürmek işiniň Los-Anjelesde başlamagyna garaşylýar, häzirki wagtda ABŞ-nyň çäginden daşary ýerlerde düşüriljekdigi hem bellenilýär. Filmiň býujeti 200 million dollara barabar bolar.

“Çal adamyň” merkezinde Goslingiň ýerine ýetirmeginde Jentri bilen MGE (Merkezi gözleg edarasy) boýunça onuň ozalky kärdeşi, halkara gözlege berlen Lloýd Hanseniň arasyndaky ölümli dueliň taryhy açylar. Lloýd Hanseniň roluny Ewans ýerine ýetirer.
“Çal adam” kitap bazarynda bestsellere öwrüldi, şonuň üçin Netflix baş roly Goslingiň ýerine ýetirjek filminiň tutuş seriýasyny döretmegi göz öňünde tutýar. Taslamanyň ideýasy birnäçe ýyl mundan öň taýýarlanyldy, şonda Goslinga derek baş rola Bred Pitt göz öňünde tutuldy, ýöne taslama togtadyldy. Muňa garamazdan, doganlar Russo bu ideýanyň üstünde işlemegi dowam etdirdiler.
Jo Russo häzirki wagtda tutuş toparyň seriýanyň birinji filminiň üstündäki işde ünsi jemländiklerini aýdýar, sebäbi film onuň dowamyny düşürmäge mümkinçilik bolar ýaly üstünlik gazanmaly. Täze taslama, bellenilip geçilişi ýaly, striming hyzmatynyň taryhynda iň göwrümli taslama bolar.
Mundan başga-da, doganlar Russo Mohsin Hamidiň “Günbatara çykalga” (“Выход на Запад”) romanyny ekranlaşdyrmagyň üstünde işleýärler, ol hem Netflix-da çykmaly. Taslamanyň prodýuserçilik işi bilen AGBO kompaniýasy, şeýle-de ABŞ-nyň eks-prezidenti Barak Obama bilen onuň aýaly Mişeliň Higher Ground kompaniýasy meşgullanýar.

düýn 18:18
3.5k+

Nikol Kidman Clé de Peau Beauté kosmetika brendiniň ýüzi boldy

Shiseido kompaniýalar toparyna girýän Clé de Peau Beauté kosmetika brendi Nikol Kidmany markanyň täze global ilçisi hökmünde yglan etdi. Kompaniýanyň resmi beýanynda awstraliýa-amerikaly aktrisasynyň ekrandaky we durmuşdaky täsirli şahsyýeti, aýal-gyzlaryň hukuklaryny goramak meselesinde eýeleýän işjeň orny bilen tanalýandygy bellenildi...

28.07.2025 19:11
2.8k+

Freywille zergärlik brendi suratkeş Frida Kalonyň hormatyna şaý-sep kolleksiýasyny çykardy

Awstriýanyň Freywille zergärlik brendi meksikaly suratkeş Frida Kalonyň (1907-1954) döredijiliginden ylham alyp döredilen ¡Viva la Vida! şaý-sep kolleksiýasyny çykardy. Dizaýnerler Kalonyň dört suratyna ýüzlendi: “Maýmynlar bilen awtoportret”, “Men we totuguşlarym”, “Tikenekli monjuk we kolibri bilen awtoportret” hem-de kolleksiýa ady dakylan “Ýaşasyn durmuş...

13.07.2025 18:42
2.6k+

Dior we Lýuis Hemilton täze egin-eşik kolleksiýasyny hödürledi

Dior moda öýi “Formula-1-iň” meşhur ýaryşa gatnaşyjysy Lýuis Hemilton bilen bilelikde täze egin-eşik kolleksiýasyny hödürledi. Ol Marokkonyň, Senegalyň, Mozambigiň, Beniniň we Madagaskaryň medeniýetlerinden ylham alyp döredildi...

04.07.2025 18:53
5.1k+

Louis Vuitton 10 müň dollara halas ediş halkasynyň şekilinde ýantorba çykardy

Louis Vuitton fransuz moda öýi halas ediş halkasynyň şekilinde üýtgeşik ýantorba hödürledi. Onuň bahasy 10 müň dollara barabar. Aksessuar wintaž stilindäki ýazgy bilen brendiň nusgawy reňkinde ýerine ýetirildi, bu hem ony tomusky obraz üçin tüýs laýyk edýär...