Forbes neşiriniň maglumatlary boýunça, Amazon kompaniýasynyň esaslandyryjysy Jeff Bezosyň öňki aýaly Makkenzi Bezosyň baýlygy bir hepdäniň içinde alty milliard dollar ýokarlandy we 62,3 mlrd dollara ýetdi. Bu barada gazeta.ru habar berýär.
Şeýlelik bilen, Makkenzi Bezos Amerikanyň iň baý zenanlarynyň reýtinginde 57,3 milliard dollar möçberde baýlygy bolan Walmart dükanlar toruny döredijiniň gyzy Elis Uoltony gysyp çykaryp, birinji setiri eýeledi. Indi dünýäde Makkenzi Bezosdan baý bolan ýekeje zenan bar. Ol L’Oreal imperiýasynyň mirasdüşeri Fransuaza Betankur-Maýer. Onuň baýlygyny Forbes 64 milliard dollar diýip bahalandyrýar.
Ýöne Amazon kompaniýasynyň paýnamalarynyň häzirki ösüş depginini saklamak bilen Makkenzi Bezos Fransuazdan aňsatlyk bilen öňe geçer we dünýäniň iň baý zenany bolar. 9-njy iýulda Jeff Bezosyň baýlygy 180 milliard dollardan geçmek bilen ýene bir gezek doly derejeli rekord goýdy. Jeff bilen Makkenzi Bezosyň aýrylyşmagy netijesinde Makkenzi kompaniýanyň paýnamalarynyň 25%-ini aldy, şonda olar 36 milliard dollara durýardy. Ýöne şunuň bilen birlikde koronawirus pandemiýasy döwründe kompaniýanyň paýnamalarynyň bahasy ýokarlandy.
