“Sony” ýapon kompaniýasy "Epic Games" kompaniýasyna 250 million dollar maýa goýlandygyny mälim etdi. Bu barada 1prime.ru habar berýär.
"Epic Games" kompaniýasy, esasan, meşhur “Unreal Engine” oýun hereketlendirijisini we “Fortnite”-iň ýokary üstünlikli multipleýer oýunyny döredendigi bilen tanalýar.
Bu maýa goýumlary bilen “Sony” "Epic Games"-de, takmynan, 1,4% paý alýar. "Epic Games"-iň umumy gymmaty häzirki wagtda, takmynan, 18 milliard dollar bahalandyrylýar. "Epic Games", şol bir wagtyň özünde, “Sony”-niň ýagdaýyna garamazdan, dürli platformalarda oýunlary çap etmek hukugyny özünde saklaýar.
“Sony” 2020-nji ýylyň ahyrynda ýaýradylmagy meýilleşdirilýän täze nesil - “Sony PlayStation 5” oýun konsolyny satuwa çykarmagyň üstünde işleýär. “Epic Games” bolsa PS5-de oturdyljak iň soňky “Unreal Engine 5” hereketlendirijisiniň iş görnüşini görkezdi.
