Ispaniýa işewürlik üçin ýene-de 50 mlrd ýewro bölüp berer

Ispaniýanyň hökümeti COVID-19 koronawirusy sebäpli girizilen karantiniň täsirlerinden zyýan çeken biznese 50 mlrd ýewro möçberinde ykdysady kömegiň täze toplumyny kabul etdi. Bu barada 1prime.ru habar berýär.
“Çäreleriň täze toplumynyň maksady COVID-19 sebäpli ýüze çykan çökgünlikden soň ykdysadyýetdäki dikelme işlerini güýçlendirmekden we çaltlandyrmakdan ybaratdyr. Munuň üçin maýa goýumy çekmeklige we öz gezeginde müňlerçe iş ornuny saklajak kompaniýalaryň töleýjilik ukybyny berkitmeklige gönükdirilen birnäçe çäreler kabul ediler” – diýlip, hökümetiň habarnamasynda aýdylýar.
Kabul edilen çäreleriň arasynda 40 milliard ýewro möçberinde döwlet karz pul beriji ugruny döretmek hem bar. Öň hökümet likwidlikde zerurlyklary kanagatlandyrmak maksady bilen 100 milliard ýewro möçberinde karz pul ugruny açdy. Ýene-de 10 milliard ýewro strategik kompaniýalaryň töleýiş ukybyny goldamaklygyň täze fonduna gider. Maksat – çökgünligiň netijesinde zyýan çeken kompaniýalara olaryň töleýjilik ukybyny üpjün etmek üçin wagtlaýyn goldaw bermek.
Mundan başga-da, hökümet raýatlara awtomobillerini täzelemegine kömek bermek meýilnamasyny gutarnykly tassyklady – kömek täze ekologiki arassa ulag serişdeleriniň satyn alnan ýagdaýynda 300-den 4 müň ýewro çenli möçberde berler. Bu maksatlar üçin 250 mln ýewro bölünip aýrylar, ähli önümçilik zynjyrynda girdejiler 1,1 milliard ýewro barabar bolar, bu bolsa 7,4 müň iş orunlaryny saklamaga mümkinçilik berer.