TikTok Hindistanda işini doly derejede bes etdi

Hindistanyň elektronika we informasion tehnologiýalar ministrligi bikanun usul bilen ulanyjy maglumatlaryny peýdalanýan we olary Hindistanyň çäginden daşary iberýän käbir mobil programmalarynyň üstünden birnäçe şikaýat aldy. TikTok programmasy hindi hökümetini Hytaýda işlenilip taýýarlanylan programmalary blok etmek kararyna geleninden soň, Hindistanda işini doly derejede bes etdi. Bu barada TASS habar berýär. Indi bu programma girmäge synanyşyk edilende TikTok India kompaniýasynyň ýurduň hökümetiniň kararyny ýerine ýetirýändigi barada duýduryş peýda bolýar.
“Hormatly ulanyjylar, biz Hindistanyň hökümetiniň 59 programmany blok etmek baradaky direktiwasyny ýerine ýetirmek prosesinde ýerleşýäris we meselä has gowy düşünmek hem-de indiki etmeli hereketleri öwrenmek üçin hökümet bilen işleşýäris. Hindistandaky ähli ulanyjylarymyzyň konfidensiallygyny we howpsuzlygyny üpjün etmek biziň üçin birinji ýerde durýar” – diýlip, habarnamada aýdylýar.
TikTok-dan başga-da, WeChat jemgyýetçilik toruny, UC brauzerini, Clash of Kings oýnuny, Weibo mikrobloglar hyzmatyny we beýlekileri blok etmek kararyna geldiler. Ministrlik bu programmalaryň işi “Hindistanyň garaşsyzlygyna we bitewiligine zyýan ýetirýär”, şeýle-de döwletiň howpsuzlygyna we jemgyýetçilik tertibine howp salýar diýip hasaplaýar. Olaryň pikiriçe, blok etmek ýurtda hindi mobil programmalarynyň we Tory ulanyjylaryň peýdasyna bolar.
Öň, TikTok India kompaniýanyň ýolbaşçysy Nikhil Gandi kompaniýanyň Twitterde ýerleşdirilen beýannamasynda programmanyň hiç haçan beýleki ýurtlaryň hökümetlerine, şol sanda HHR-e maglumat bermändigini belledi.