ABŞ Huawei bilen bäsdeşlik üçin Nokia we Ericsson kompaniýalaryny satyn almagy meýilleşdirýär

Amerikan hökümeti telekommunikasion bazarynda tutýan ornuny güýçlendirmegiň alternatiw görnüşlerini gözden geçirýär. “The Wall Street Journal” neşiriniň habar bermegine görä, ABŞ Huawei bilen bäsdeşlik üçin Nokia we Ericsson kompaniýalaryny satyn almagy meýilleşdirýär. Muny vladtime.ru belleýär.
“Bu pikir ABŞ-nyň özüniň Hytaý bilen öňdebaryjy tehnologiýalar bilen dünýäni kimiň üpjün etjekdigi baradaky göreşinde has ýokary zatlara taýýardygyny görkezýär” – diýip, gazet ýazýar.
Hytaý kompaniýasyna telekommunikasion enjamlaryň dünýä bazarynyň 28%-i degişli, ol ony “Aziýadan Germaniýa çenli” satýar. Amerikan ýola goýujylary Huawei bilen bäsleşmekde heniz kiçi gelýärler, bu bolsa hytaý enjamlaryny satyn almak islemeýän simsiz aragatnaşygyň uly operatorlarynyň heniz hem üç sany – Ericsson, Nokia we Samsung Electronics Co. halkara kompaniýalaryna bil baglaýandygyny aňladýar.
Materialyň awtorynyň aýtmagyna görä, amerikan syýasatçylary Ýewropa kompaniýalaryny öňden bäri Huawei bilen bäsdeşligiň guraly hökmünde görýärler. Bu meýilnamany durmuşa geçirmäge koronawirus ýokanjynyň pandemiýasy päsgel berdi. Muňa garamazdan, Trampyň edarasynyň wekilleri Nokia we Ericsson kompaniýalaryny satyn almak üçin ýerli tehnologik kompaniýalary bilen gepleşiklerini belläp geçdiler.
Meýilnamanyň awtorlary “Huawei garşy” hyzmatdaşlygyna Ýewropa kompaniýalary üçin salgyt ýeňilliklerini ýa-da ýerli öndürijilere döwlet goldawyny bermegi meýilleşdirýärler. “The Wall Street Journal” neşiri NASA-nyň ozalky işgärleri bilen hünärmenler topary tarapyndan düzülen hasabatyň hereket edýändigini görkezýär. Resminamanyň awtorlary bazarda Huawei-niň garşydaşy bolup biljek täze tehnologik birleşigi döretmegi teklip edýärler. Şeýle başlangyjy ýerli IT-bölümleri kanagatlylyk bilen garşyladylar, maliýe toparlary bolsa şeýle çäräniň şowly boljakdygyna ynanýarlar.