Telegram Amerikanyň Birleşen Ştatlarynyň kazyýetiniň karary bilen, Gram kriptografik walýuta alyjylaryna 1,2 milliard dollar tölemeli bolar. Has takygy, Nýu-Ýorkyň etrap kazysynyň kararyna laýyklykda, Telegram Gram kriptografik walýuta alyjylaryna 1 milliard 224 million dollar, raýat-hukuk öwezini dolmak üçin bolsa 18,5 million dollar tölär. Bu barada Sputnik portaly habar berýär. Kazy kararda aýyplanýan bilen dawagäriň özara ylalaşandyklaryny aýtdy, ýöne bu aýyplamalary boýun almak hem, olary inkär etmek hem däldir.
Şeýle hem, kazyýet "Telegrama" bu tehnologiýany ulanmaga başlamazdan bir ýarym aý ozal kriptografik walýuta ýa-da şuňa meňzeş gurallary çykarmak niýeti barada Amerikanyň Birleşen Ştatlarynyň häkimiýetlerine habar bermegi buýurdy.
"Telegram" Telegram Open Network blokçeýn-platformasyny 2018-nji ýylyň başynda işläp taýýarlamaga başlapdy. 2019-njy ýylyň fewral we mart aýlarynda kompaniýa iki ýüz maýadardan, takmynan, 1,7 milliard dollar maýa çekip bildi. Şeýle-de bolsa, geçen güýzde ABŞ-nyň Gymmatly kagyzlar we bazarlar komissiýasy "Telegrama" ICO bilen baglanyşykly kriptografik walýutanyň hasaba alynmandygy we şeýlelik bilen gymmatly kagyzlar kanunyny bozandygy üçin kazyýet işini açandygyny aýtdy.
Kazyýet "Telegramy" Gram kriptografik walýuta alyjylaryna 1,2 milliard dollar tölemäge borçly etdi
- 28.06.2020 13:26
- 4.4k+
