Wenesiýanyň ýaşaýjylary syýahatçylara garşy nägilelik bildirýärler

Ýerli ýaşaýjylar syýahatçylaryň dolanmagyna garşy nägilelik bildirýärler. Olar “takyrdaýan çemodanlaryň” ýurda dolanmagyny islemeýärler.
Wenesiýada häzir syýahatçylygyň nähilidigi belli boldy. Bu barada RIA Nowosti agentligine salgylanmak bilen piter.tv habar berýär.
Uzak wagtlap Wenesiýa hiç kim gitmedi. Bu tutuş dünýäde koronawirus pandemiýasy bilen bagly boldy. Ýöne häzir syýahatçylar kanallar şäherine uly höwes bilen gidýärler. Durnukly ösüş boýunça alym-ekolog Jeýn da Mosto hem syýahatçylara garşy çykýar. Ol adamlaryň köpçülikleýin ýygnanmasy we kruiz gämileri Wenesiýany tozdurýar diýip hasaplaýar. Kireýne berijiler özleriniň gozgalmaýan mülklerini maşgalalara garandan, syýahatçylara uly höwes bilen berýärler.
Da Mosto ýerli häkimleri wenesiýalylar syýahatçylykdan başga bölümlerde iş tapyp biler ýaly höweslendirmeleri döretmäge çagyrýar. “Meniň dört çagam bu şäheri gowy görýär, şonuň üçin olaryň geljeginiň şu ýerde bolmagy möhüm” – diýip, alym-ekolog Jeýn da Mosto belleýär.
“Syýahatçylaryň şeýle akymy Wenesiýa zyýan ýetirýär, şonuň üçin kruiz gämileriniň gatnawyny ep-esli azaltmaly. Mundan başga-da, syýahatçylaryň ýygnanmasy Wenesiýada bolmak isleýän, ýöne gelýän adamlara berilýändigi üçin bu ýerde jaý tapmaýan Italiýanyň adaty raýatlaryna ýaşamaga päsgel berýär” – diýip, ekspert hasaplaýar.
Ýöne gondolaçylar we jemgyýetçilik iýmit edaralarynyň eýeleri syýahatçylaryň dolanmagyna garaşýarlar. Koronawirusdan öň Wenesiýa girmek üçin salgyt goýmak pikiri gözden geçirildi, ýöne pandemiýa bu meýilnamany iş ýüzüne geçirmäge päsgelçilik döretdi. Soňky maglumatlar boýunça, Wenesiýanyň ilaty 51 müňden çala geçýär. Geçen ýylyň maglumatlary boýunça, Wenesiýa 16 mln myhman bardy.