Ispaniýanyň şypahanalarynda täze düzgüniň girizilmegi syýahatçylarda ýaramaz täsiri döretdi. Ýagny, müşderiler barlarda we restoranlarda goşmaça töleg tölemeli bolýarlar. Bu barada rusplt.ru habar berýär.
Serwis we ikinji derejeli salgyt töleglerinden başga-da, hasapda “COVID-goşmaça pul” diýen zat hem peýda boldy. Ortaça ol 1 ýewro barabardy.
Müşderiler hem bu täzelige nägileligini bildirýärler. Olaryň biri Twitterde ispan restoranynda iki çüýşe piwo üçin ähli tölegleri bilen birlikde 12 ýewro tölemelidigini gürrüň berýär.
Ispaniýada alyjylaryň hukugyny goramak boýunça assosiasiýada şeýle tölegleriň kanuny däldigini aýtdylar, müşderiler bolsa goşmaça tölemekden ýüz öwrüp bilýärler.
Bu täze düzgüniň myhmansöýüjilik gurşawynyň koronawirus ýaýrawynyň esasynda girizilen çäklendirmeler sebäpli güýçli zyýan çekendigi bilen bagly bolup biler. Esasanam, syýahatçylaryň arasynda meşhurlyga eýe bolan ýurtlar has köp kynçylyk çekdiler. Bulardan başga-da, pandemiýa gowşanyndan soň ýerli awiakompaniýalar ýolagçylara gyzgyn naharlary jebis gaplardaky garbanma bilen çalşyryp, olary bermekden boýun gaçyrarlar.
Ispaniýada pandemiýadan soňky täze düzgün syýahatçylary gaharlandyrdy
- 12.06.2020 22:26
- 6k+
