Syýahatçylyk we gezelenç boýunça bütindünýä geňeşi (World Travel & Tourism Council, WTTC) şu tomusda dynç alyş üçin iň howpsuz ugurlary atlandyrdy. Bu barada guramanyň saýtynda habar berilýär, muny lenta.ru ýetirýär.
Geňeşiň beýannamasynda syýahatçylar üçin iň howpsuz ýerleriň Portugaliýa, Türkiýe we Saud Arabystandygy bellenilip geçilýär. Bu ýurtlarda BMG-niň Bütindünýä syýahatçylyk guramasy tarapyndan goldanylan ýörite howpsuzlyk teswirnamalary girizildi.
Bu teswirnamalar syýahatçylara dynç alyş üçin gigiýena we saglygy goraýyş boýunça dünýä ölçegleriniň berjaý edilýän ýerlerini saýlamaga kömek eder. Belli Ýewropa ugurlarynyň arasyndan gurama Madridi, Sewilýany we Barselonany aýratynlandyrýar.
Şeýle-de, syýahatçylyk hereketiniň dikeldilmegi bilen dynç alýanlar üçin dünýäde howpsuz ýurtlaryň sanawynyň artjakdygy habar berilýär.
Maý aýynda ekspertler koronawirus pandemiýasy şertlerinde gezelenç üçin iň meşhur ýurtlary atlandyrdylar. Aprel aýy boýunça britan syýahatçylarynyň sargytlaryny öwrenmek bilen, analitikler Ispaniýanyň ýewropa ýurtlarynyň hemmesine garanda koronawirusdan has güýçli kynçylyk çekendigine garamazdan, ol birinji ýerde durýar diýen netijä geldiler.
2020-nji ýylda syýahatçylar üçin iň howpsuz ugurlar atlandyryldy
- 11.06.2020 22:34
- 8.7k+
