BP dünýä boýunça 10 müň işgärini azaltmagy meýilleşdirýär

BP britan nebit-gaz kompaniýasy täze görnüşli koronawirusyň döredýän pandemiýa täsiri sebäpli tutuş dünýä boýunça 10 müň işgäri we energiýanyň gaýtadan dikeldilýän çeşmeleri bilen kem-kemden işe geçmek boýunça meýilnamalaryny azaldar. Bu barada nebiti gazyp alyjy korporasiýanyň ýerine ýetiriji müdiri Bernard Luniniň kompaniýanyň işgärlerine iberen hatynda aýdylýar. Hatyň nusgasy BP-niň press-hyzmaty tarapyndan ýaýradyldy, muny Trend TACC-a salgylanmak bilen ýetirýär.
Kompaniýada bellenilişine görä, gürrüň onuň işgärleriniň dünýäde hasaba alynýan 70 müň töweregi umumy sanynyň tas 15 göterim azaldylmasy barada gidýär. Olaryň köpüsi şu ýylyň dowamynda işden çykarylar, iş ýerlerini, esasan, ofis işgärleri ýitirerler. Gazyp almak işine gös-göni gatnaşýanlar işden çykarylmaz.
Pandemiýa başlanandan bäri dünýäde koronawirus bilen 7 mln adam keselledi, 400 müňden gowragy ýogaldy.