Russiýa iş, okuw we bejergi maksat bilen daşary ýurtlara gitjeklere serhedini açýar

Russiýalylar ýakyn garyndaşlaryna seretmek, bejergi almak, okuw we iş maksady bilen daşary ýurtlara gidip bilerler, diýip RF-iň premýer-ministri Mihail Mişustin Koronawirus bilen göreş boýunça utgaşdyryjy geňeşiň prezidiumynyň mejlisinde belledi. Bu barada Ria Nowosti habar berýär.
Daşary ýurtly raýatlar hem Russiýa lukmançylyk maksatlary bilen girip bilerler, diýip ol nygtady. Degişli resminamalara eýýäm gol çekildi.
Belläp geçsek, RF BSGG tarapyndan pandemiýa yglan edilenden soňra serhetlerini dolulygyna ýapypdy. Häzirki wagta çenli RF-de COVID-19 bilen 476 müň 658 keselleme ýagdaýy ýüze çykaryldy, 230 müňden gowrak russiýalylar sagaldy, 5971 adam aradan çykdy.
Bilermenleriň pikirine görä, keselçiligiň iň ýokary nokady yzda galdy, häkimiýetler kem-kemden öň girizilen çäklendirmeleri aýyrýarlar.
Russiýada we dünýäde COVID-19 bilen bagly täzelikler стопкоронавирус.рф portalynda beýan edilýär.