Dünýädäki milliarderleriň sany bir san artdy. Ýer ýüzüniň iň baý adamlarynyň sanawyna Ýuan Liping (Yuan Liping) goşuldy. Ol Shenzhen Kangtai Biological Products farmaseptika kompaniýasynyň ýolbaşçysy, hytaý magnaty Dýu Weýminiň (Du Weimin) öňki aýaly. Bu barada Trend agentligi Bloomberge salgylanyp habar berýär.
Aýrylyşandan soňra, 49 ýaşly Ýyan Liping kompaniýanyň 161,3 million paýnamalaryny aldy. Gymmatly kagyzlaryň toplumy 3,2 millard dollar möçberinde bahalandyrylýar. 2011-2018-nji ýyllarda Ýyan Liping ýoldaşynyň farmaseptika kompaniýasynyň müdiriniň wezipesini eýeleýärdi. Häzirki wagtda ol Shenzhen Kangtai Biological Products kompaniýasynyň Pekindäki şahamçasy bolan Beijing Minhai Biotechnology kompaniýasyna ýolbaşçylyk edýär.
2019-njy ýylda dünýäniň iň baý adamsy bolan Amazon kompaniýasynyň esaslandyryjysy Jeff Bezosyň aýaly bilen aýrylyşmagy netijesinde, onuň öňki aýaly Makkenzi hem iň baý adamlaryň sanawyna girdi. Emlägi paýlaşmak hakynda ylalaşygyň netijeleri boýunça Makkenzi 40 milliard dollara golaý aldy. Bloomberg Billionaire Index-iň berýän maglumatlaryna görä, häzirki wagtda onuň emlägi 10 milliard dollara golaý artdy.
Dünýäde täze milliarder peýda boldy
- 02.06.2020 13:25
- 19k+
