BMG-niň Bütindünýä syýahatçylyk guramasy tarapyndan guralan «Dikeldişe tarap hereket» atly ýokary derejeli sebitleýin maslahat ýokanç kesele garşy göreşmegiň mümkin bolan iň gowy usullaryny ara alyp maslahatlaşmak, şeýle-de howpsuz we netijeli usullar arkaly, şol sanda milli we sebitleýin derejede ähli gyzyklanýan taraplaryň arasynda işjeň hyzmatdaşlygy hem-de hereketleriň sazlaşygyny üpjün etmek bilen syýahatçylyk işini dikeltmek boýunça bilelikdäki işleri ýola goýmak üçin meýdançany döretmek maksady bilen geçirildi.
Sebitleýin maslahata Bütindünýä syýahatçylyk guramasynyň Baş sekretary Zurab Pololikaşwili, Azerbaýjan Respublikasynyň, Ermenistan Respublikasynyň, Belarus Respublikasynyň, Gruziýanyň, Gazagystan Respublikasynyň, Gyrgyz Respublikasynyň, Moldowa Respublikasynyň, Russiýa Federasiýasynyň, Täjigistan Respublikasynyň, Özbegistan Respublikasynyň milli syýahatçylyk ulgamyna jogapkär ýolbaşçylary gatnaşdylar. Türkmen tarapyndan Türkmenistanyň Medeniýet ministri gatnaşdy.
Maslahat Ýokary derejeli bu çäre iki ugurly ara alyp maslahatlaşmalar boýunça geçirildi. Birinji mejlisiň dowamynda syýahatçylyk ulgamyndaky goldaw we COVID-19 ýokanç keseliniň durmuş-ykdysady netijelerini azaltmak çäreleri ara alnyp maslahatlaşyldy. Ikinji mejlis dikeldiş ýolundaky öňdebaryjy tejribä we netijeli strategiýa bagyşlandy. Öňdebaryjy tejribeler, şeýle-de çökgünligi ýeňip geçmegiň netijeli syýasaty boýunça amala aşyrylýan çäreler barada pikir alşyldy. BMG-niň Bütindünýä syýahatçylyk guramasynyň işläp düzen teklipleri beýan edildi. Mundan başga-da, maslahatda gatnaşyjy ýurtlaryň iň gowy tejribeleri bilen tanyşdyryldy.
Türkmenistan we BMG COVID-19-dan soň syýahatçylygy dikeltmegiň ýollaryny maslahatlaşdy
- 02.06.2020 11:25
- 10k+
![Türkmenistan we BMG COVID-19-dan soň syýahatçylygy dikeltmegiň ýollaryny maslahatlaşdy](https://tmcars.info/tmcars/images/original/2020/06/02/11/29/7c37d7e6-b253-4647-828a-ec4945a5e9ac.jpg)