HHR-iň hökümeti Halk wekilleriniň ählihytaý ýygnagy tarapyndan kabul edilen Gonkongda milli howpsuzlyk barada kanunyň işlenilmegi baradaky rezolýusiýa Waşingtonyň garaýşy sebäpli döwlet kompaniýalaryndan soýa noýbasyny we doňuz etini ABŞ-dan satyn almagy bes etmegi talap etdi. Bu barada Reuters agentligine salgylanmak bilen TACC habar berýär. Muny finance.rambler.ru ýetirýär.
Agentligiň çeşmeleri gadagan edilenleriň hataryna goşulan önümleriň sanawynyň ABŞ-nyň Pekin we Gonkong bilen bagly duýdurylan çärelerini amala aşyran wagtynda has hem giňejekdigini belläp geçýärler.
Habar berlişine görä, halk wekilleriniň Ähli hytaý ýygnagy tarapyndan Gonkongda milli howpsuzlyk barada kanuny işläp düzmek baradaky rezolýusiýa kabul edilenden soň, ABŞ-nyň prezidenti Donald Tramp Hytaýy senagat şpionažynda, Gonkonkyň özbaşdaklygyny bozmakda aýyplady, Gonkong üçin söwda ýeňillikleriniň ýatyryljakdygyny aýtdy. Amerikan lideri Gonkongyň özbaşdaklygyny çäklendirmäge gatnaşan HHR-iň resmi adamlary bilen baglylykda sanksiýalaryň giriziljekdigini duýdurdy. HHR-iň Daşary işler ministrliginde ABŞ-ny Gonkong boýunça syýasy manipulýasiýalary derrew bes etmäge çagyrdylar.
Hytaý soýanyň we doňuz etiniň ABŞ-dan satyn alynmasyny bes etmegi talap etdi
- 01.06.2020 23:32
- 4.7k+
