Louis Vuitton Moët Hennessy kompaniýalar toparynyň ýolbaşçysy Bernar Arno maý aýynyň 21-inden 28-i aralygynda bir hepdäniň içinde iň şowly milliarder boldy. Bu döwürde biznesmen 8,1 milliard dollar gazandy we öz baýlygyny ýene-de 100 milliard dollara çenli artdyrdy, bu barada Forbes neşirine salgylanmak bilen piter.tv habar berýär.
Bernar Arno – fransuz biznesmen-milliarderi, ol Louis Vuitton Moët Hennessy (LVMH) kompaniýasynyň CEO toparlarynyň prezidenti. 31-nji maý boýunça ekspertler onuň baýlygyny 101 milliard diýip bahalandyrýarlar.
Bir hepdäniň içinde has baýan adamlaryň üçlügine 4,9 milliard dollar gazanan Zara kompaniýasynyň eýesi Amansio Ortega we baýlygy 3,9 milliard dollar artan maýa goýujy Uorren Baffet hem girdi.
Iň şowly baýlaryň ilkinji onlugyna Fransua Pino (Kering), Franusaza Betankur-Maýers (L”Oreal), Tadasi Ýanai (Uniqlo), Takemisu Takidzaki (Keyence), Leonardo del Wekkio (Luxottica), Karlos Slim (Grupo Carso) we Horhe Paolo Lemann (3G Capital) hem girdi. Dünýäniň iň baý biznesmenleri bilelikde öz baýlygyny 33,6 mlrd artdyrdylar.
Forbes bir hepdäniň içinde kimiň has köp gazanandygyny anyklady
- 31.05.2020 23:16
- 4.2k+
