Türkiýe 1-nji sentýabra çenli GDA döwletleri bilen awiagatnawlaryny dikeltmegi meýilleşdirýär, diýip Turizm Guncel agentligine salgylanyp, Orient habar berýär.
Bu sanawa 71 döwlet girýär. Bu döwletleriň her biriniň territoriýasyndaky koronawirus bilen bagly ýagdaýy nazara alyp, Ankara şol ýurtlara howa gatnawlarynyň dikeldiljek senesini kesgitledi.
Ankara Türkmenistan bilen howa gatnawlaryny şu ýylyň 1-nji iýulynda dikeltmegi meýilleşdirýär. Mälim bolşy ýaly, koronawirus ýokanjy bilen keselleme ýagdaýy Türkmenistanyň çäginde hiç hili hasaba alynmady. Türkmenistan koronawirus ýokanjynyň ýurdumyza getirilmeginiň öňüni alyş çäresi hökmünde 20-nji iýuna çenli halkara howa gatnawlaryna gadaganlyk girizdi.
Garaşylyşy ýaly, türk uçarlary GDA döwletlerinden ilkinji bolup Azerbaýjana uçup başlar — 15-nji iýun. Soňra Gazagystan — 20-nji iýun, Gyrgyzystan — 22-nji iýun, Belarus, Moldawiýa we Özbegistan – 1-nji iýul, Russiýa – 15-nji iýul we Ermenistan – 1-nji awgust.
Howa gatnawlaryny dikeltmegi meýilleşdirýän ýurtlarynyň sanawynda iň soňky ýerde ABŞ durýar. Türkiýe bu gatnawlary 1-nji sentýabrda dikeltmegi meýilleşdirýär.
«Turkish Airlines» Türkmenistana howa gatnawyny dikeltjek senesini mälim etdi
- 28.05.2020 23:03
- 28k+
