Boeing 2,5 müň işgäri tölegsiz rugsada iberer

Boeing amerikan awiagurluşyk korporasiýasy işgärleri azaltmagyň birinji tapgyrynyň çäklerinde 2,5 müň töweregi işgäri meýletin tölegsiz rugsada iberer, çünki koronawirus pandemiýasy dünýä awiaýükdaşama işlerine uly zyýan ýetirdi. Bu barada The Wall Street Journal neşirine salgylanmak bilen vesti.ru habar berýär.
Geçen aýda kompaniýa 160 müň işgäri göz öňünde tutýan ştaty, şu ýylda laýnerleriň önümçiliginiň peselmegi bilen, takmynan, 10% azaltmagy meýilleşdirýändigini habar berdi. Professional birleşigiň wekilleriniň aýtmagyna görä, birinji tapgyr Boeing kompaniýasynyň Sietledäki Commercial Airplanes bölümine gönükdiriler, bu barada 29-njy maýda belli bolar. Bu kompaniýa üçin onuň çykdajylary azaltmak meýilnamasynyň çäklerinde 1,5 müň töweregi işgäri işden çykaran wagtyndan, ýagny 2017-nji ýyldan bäri işgärleriň iň uly azaldylmasy bolar.
Kompaniýanyň özüniň çalt ösýän serwis bölümçesinde hem iş orunlaryny azaltmagyna garaşylýar, sebäbi awiakompaniýa uçarlar üçin gerekli şaýlara çykdajylary özüniň merkezi korporatiw ofislerinde hem kemeldýär. Boeing kompaniýasynyň ýewropa bäsdeşi Airbus SE hem çykdajylary peseltmek boýunça işleriň çäklerinde iş orunlaryny azaltmagy meýilleşdirýär.
Uçarlary öndürijileriň ikisi üçinem hereketlendirijileri we beýleki şaýlary çykarýan General Electric Co. kompaniýasy hem müňlerçe iş orunlaryny azaldýar.