Portugaliýa syýahatçylary kabul etmäge taýýar. Bu barada Portugaliýanyň daşary işler ministri habar berdi, muny regnum.ru belläp geçýär.
Portugaliýa hökümetiniň ýolbaşçysy “Observador” neşirine beren interwýusynda ýurdunyň “uly buýsanç bilen syýahatçylary kabul etjekdigini” aýtdy. Ýöne uçarda gelýänler “kiçiräk lukmançylyk gözegçiliginden” geçmeli bolar. Ol Portugaliýa gelýän syýahatçylaryň doly derejeli iki hepdelik karantini geçmejekdiklerini, ýöne Portugaliýanyň doly ygtyýarly organlarynyň geçirjek kiçiräk lukmançylyk gözegçiliginden hökman geçmeli boljakdyklaryny belledi.
“Portugaliýada saglygy goraýyş ulgamynyň işi ýola goýuldy, bu bolsa adamlary kabul etmek üçin örän möhümdir” – diýip, ministr belleýär.
Şeýle-de, ol jemgyýetçilik ýerlerine, muzeýlere, kenarýakalara, myhmanhanalara, restoranlara barmagyň degişli düzgünleriniň eýýäm neşir edilendigini ýatlatdy. Bu düzgün adamlaryň goraglylygyny kepillendirýär.
18-nji maýdan Portugaliýa karantin çäreleriniň gowşadylyşynyň ikinji tapgyryna geçdi, bu tapgyr restoranlaryň, barlaryň, kafeleriň, eýwanlaryň, muzeýleriň, 44 kwadrat metre çenli meýdanly uly bolmadyk dükanlaryň açylyşyny göz öňünde tutýar, bularyň ählisi gelýän adamlaryň çäkli sanyny saklamak we sosial aradaşlygy berjaý etmek bilen açylýar. Şeýle-de, howpsuzlygyň sanitar çärelerini we maskany dakmaklygy berjaý etmek bilen çagalar baglarynyň we mekdepleriň işi hem dikeldildi.
Portugaliýa syýahatçylary kabul etmäge taýýardygyny habar berdi
- 23.05.2020 23:13
- 2.6k+
![Portugaliýa syýahatçylary kabul etmäge taýýardygyny habar berdi](https://tmcars.info/tmcars/images/original/2020/05/24/05/56/a5a69f85-48b1-4d8c-9e96-a6248f5b15c5.jpg)