Ispaniýanyň hökümeti Madrid we Barselona üçin COVID-19 pandemiýasy sebäpli girizilen çäklendiriji çäreleri 25-nji maýdan gowşadar, bu barada ýurduň saglygy goraýyş ministrliginde habar berildi, muny vestikavkaza.ru belläp geçýär.
“Birinji tapgyra Kastiliýa we Leon awtonom bileleşiginiň ählisi, Barselona şäheri we Madridiň ähli awtonom bileleşigi geçýär” – diýip, ministr belleýär.
Duşenbe gününden başlap bu şäherleriň ýaşaýjylaryna 10 adama çenli topar bolup ýygnanyşmaga, buthanalara, kitaphanalara, muzeýlere, konsert zallaryna we medeniýet merkezlerine barmaga rugsat beriler. Barlaryň we restoranlaryň tomusky eýwanlary öz işlerine gelýän adamlaryň çäklije sany bilen başlarlar.
Infeksiýa ýaýrap başlanyndan bäri Ispaniýada 233 müň keselli ýüze çykaryldy, 27 940 adam ýogaldy. Ispaniýada täze görnüşli koronawirusyň ýaýrama depgininiň ýuwaş-ýuwaşdan peselýändigi üçin, hökümet çäklendirmeleri hem tapgyrlaýyn gowşadýar. 18-nji maýdan ýurduň ilatynyň köp bölegi çäreleri gowşatmagyň täze tapgyryna geçdi. Ýöne Madride we Barselona şäherlerine bu rugsat edilmedi. Madridiň häkimiýeti eýýäm üç gezek çäreleri gowşatmagyň birinji tapgyryna geçmek üçin rugsat sorady. Şu hepdede awtonom bileleşigiň hökümeti Ispaniýanyň saglygy goraýyş Ministrligine garşy Ýokary kazyýete şikaýat etjekdigini habar berdi.
Şunuň bilen birlikde, ministriň aýtmagyna görä, welaýatlaryň hem birnäçesi 25-nji maýdan pandemiýa sebäpli girizilen çäreleri gowşadylyşyň dört tapgyrynyň üçünjisine geçip bilýär.
В Мадриде и Барселоне смягчат ограничительные меры с 25 мая
- 23.05.2020 05:50
- 2.3k+
