Apple 20%-e çenli önümçiligini Hytaýdan Hindistana geçirer

Apple kompaniýasynyň önümçiliginiň bir bölegini Hindistana geçirmek meýilnamasy barada ýurduň hökümet ýolbaşçylary seslendiler, bu barada rossaprimavera.ru habar berýär.
2021-nji ýyldan 2025-nji ýyllar aralygynda Apple smartfonlaryň önümçiliginiň bir bölegini Hindistana geçirmegi meýilleşdirýär. Meýilnama laýyklykda, Hindistanda bäş ýylyň içinde 40 mlrd dollarlyk gurluş çykarylar. Gurluşlaryň esasy bölegi Wistron we Foxconn elektronikany şertnamalaýyn öndürijileriň kömegi bilen öndüriler.
Hindistanyň hökümeti bilen IT-kompaniýasynyň bu ylalaşygy elektronika önümçiligini goldamak çäreleriniň çäklerinde gazanyldy. Zerur bolan ýeňillikleri gazanmak üçin Apple Hindistanda ýylda $10 mlrd möçberde önüm öndürmeli.
2019-njy ýylda Apple Hindistanda $1,5 mlrd möçberde önüm satdy, ýöne bary-ýogy 0,5 mlrd dollarlyk önüm öndürdi. Deňeşdirmek üçin bellesek, Hytaýda 2018-2019-njy ýyllar üçin kompaniýa ýylda ortaça $110 mlrd möçberde önüm öndürdi.
Eger-de meýilnama durmuşa geçirilse, Hindistan iPhone smartfonlaryny iri eksport edijileriň birine öwrüler diýip, hökümet çinownigi belleýär.
Ýatladyp geçsek, häzirki wagtda Apple eýýäm hindi bazarynda Foxconn öndürijisiniň kömegi bilen iPhone XR smartfonuny öndürýär. Ýaňy-ýakynda, Apple kompaniýasynyň özüniň AirPods ilkinji studiýa nauşniklerini döretmegiň üstünde işlejekdigi habar berildi. Belläp geçsek, AirPods Studio nauşnikleri doly ölçegli simsiz nauşnik bolar we olar, ähtimal, AirPods täze lineýkanyň ilkinji modelleri bolar. Bu nauşnikler ýokary hilli seslenmä eýe bolmaly, çünki ol monitoring, mastering, bilim we ses bilen bagly beýleki işler üçin hünärmenler tarapyndan ulanylýar. Bu nauşnikleriň üstünliginiň brendiň beýleki gurluşlary bilen deňleşjekdigi we kompaniýanyň özi üçin täze gurluşy nähili derejede üstünlikli döretjekdigi heniz belli däl.