Ilon Mask Teslanyň ştab-kwartirasyny Kaliforniýadan geçirmekçi bolýar

Tesla kompaniýasy ýakyn wagtda Palo-Altodaky (Kaliforniýa) ştab-kwartirasyny taşlap, Frimontdan gider diýip, elektrokarlary amerikan öndürijisiniň ýolbaşçysy Ilon Mask özüniň Twitterinde belleýär, bu barada iz.ru habar berýär.
Telekeçi şeýle netijä gelinmegiň hökümetiň Frimontdäki kärhananyň işini dikeltmegi gadagan edýänligi bilen baglydygyny aýdýar. Öň, San-Fransisko aýlagynyň çägine girýän alty etrabyň hökümeti COVID-19 pandemiýasynyň fonunda sanitar çäklendirmelerini maýyň ahyryna çenli, şol bir wagtda Tesla-nyň kärhanasyny işe girizmeklige gadaganlygy hem uzaltdy.
“Bu iň soňky damja boldy” – diýip, Mask ýazýar.
Kompaniýa ştab-kwartirany we meýilnamalary Tehasa ýa-da Newada geçirmegi meýilleşdirýär diýip, biznesmen habar berýär. Frimontdäki kärhana hem ýerli hökümetleriň “geljekde Tesla nähili garajakdyklary” bilen baglylykda, başga ýere geçirilip bilner.
Teslanyň Alamida aýlagynyň Frimont şäherindäki kärhanasy koronawirus ýaýrawy sebäpli sosial aradaşlygy berjaý etmek boýunça etraplar tarapyndan kabul edilen çäreleriň çäklerinde 23-nji martda saklanyldy. 7-nji maýda Kaliforniýanyň gubernatory Gewin Nýus çäklendirmeleri ýuwaş-ýuwaşdan aýyrmak we 16 pudakda önümçiligi dikeltmäge rugsat bermek barada çykyş etdi. Tesla hem Frimontdäki kärhanany işe girizmegini sorap ýüz tutdy, ýöne Alamida etrabynyň hökümeti ony ret etdi.
Soňky maglumatlar boýunça, Birleşen Ştatlarda COVID-19 bilen kesellemegiň 1,3 mln ýagdaýy hasaba alyndy, tas 80 müňden gowrak adam ýogaldy.