Nissan ограничит свое присутствие в Европе

Şu ýylyň 28-nji maýynda Nissan Motors täze strategiýany hödürlär, oňa laýyklykda, kompaniýa Ýewropadaky ornuny çäklendirmegi we ABŞ, Hytaýa hem-de Ýaponiýa degişli maksatlaryny üýtgetmegi göz öňünde tutýar. Bu barada njcar.ru saýtynda bellenilip geçilýär.
Analitikler şeýle çözgüdiň esasy sebäbi kompaniýanyň diler merkezleriniň satuw görkezijisiniň pes bolmagyndan ybarat diýip hasaplaýarlar. Nissan-yň ýolbaşçylary ýerli awtosöýüjiler üçin diňe iki modeli galdyrmagy meýilleşdirýär. Häzirki wagtda ýewropa bazarynda galjak modeller belli. Juke we Qashqai modelleriniň talapkärligi has ýokary. Eger olaryň hem satuw görkezijisi has pes bolsa, onda Nissan Ýewropadan gider.
“Täze awtomobiller” neşiriniň Reýter agentligine salgylanmak bilen habar bermegine görä, konsern, esasan, ABŞ ünsi gönükdirer. Amerikan awtobazarynyň paýyny ele almak maksady brendiň düýpli we birden arzanlamagyna getirdi. Ösüşiň täze üçýyllyk strategiýasyna laýyklykda, Nissan kompaniýasy ozalky girdejililigini yza gaýtarmakçy bolýar, munuň üçin bolsa dilerler bilen aragatnaşygy ýola goýmaly we hatara täze önümleri goşmak bilen, ony gözden geçirmeli.
Meýilnamany düzýän ikinji möhüm iş – bäsdeşligi peseltmek we ylalaşyk boýunça hyzmatdaşlar bilen köptaraplaýyn hyzmatdaşlygy ýola goýmak. Nissan hem Mitsubishi Motors kompaniýasy ýaly, birikdiriji modullar bilen üpjün edilen gibrid elektrokarlarynyň tehnologiýasyny taýýarlamak gurşawyna aralaşmagy meýilleşdirýär.
Şeýlelik bilen, täze 3-ýyllyk meýilnama ABŞ-daky, Hytaýdaky we Ýaponiýadaky bazarlarda ynamly orun eýelemäge mümkinçilik berýän önümleriň we tehnologiýalaryň maliýeleşdirilmesi üçin zerur bolan serişdeleri bölüp aýyrmaga gönükdirilendir.
Mundan başga-da, strategik meýilnama laýyklykda, tutuş dünýä boýunça 14 kärhana ýapylar, galanlary bolsa üç çalşyga derek iki çalşykda işlärler. Şunuň bilen baglylykda, önümçiligiň göwrümi ýylda 7 mln-dan 5,5 mln awtomobile çenli kemeler.