Fransiýanyň çempionatynyň ýolbaşçylygy koronawirus pandemiýasy sebäpli möwsümi wagtyndan öň tamamlamak kararyna geldi. Şunuň bilen baglylykda, Fransiýanyň professional futbol ligasy (LEP) we Canal+ telekanaly Liga 1 bilen Liga 2-niň oýunlaryny görkezmek baradaky şertnamany ýatyrdylar. Bu barada matchtv.ru habar berýär.
Çeşmäniň maglumatlary boýunça, telekanalyň prezidenti şertnama boýunça tölegiň indi geçirilmejekdigini habar berdi.
Mundan başga-da, Liga 1 bilen Liga 2-niň kanaldan eýýäm çempionatlarda oýnalan turlar üçin 37 million alandyklary belli boldy. Canal+ indiki möwsüm bahym başlar diýip umyt edýär.
Canal+ we Liga 1 bilen Liga 2-niň başga bir ýaýlymy belN Sports möwsümiň ahyryna çenli ýene-de 243 million tölemelidiler.
Ýatladyp geçsek, Fransiýanyň çempiony diýlip “PSŽ” yglan edildi, “Lill” we “Renn” Çempionlar ligasyna gatnaşarlar.
Öň, Fransiýanyň premýer-ministri Eduard Filipp koronawirus pandemiýasy sebäpli 2019/20-möwsümde ýurtda ähli sport ýaryşlarynyň ýatyrylýandygy barada habar berdi.
Liga 1 möwsümiň wagtyndan öň tamamlanandygy sebäpli 243 mln ýewro ýitirer
- 03.05.2020 23:56
- 3.4k+
