Samsung birinji çärýek boýunça maliýe netijeleri barada habar berdi

Samsung kompaniýasy 2020-nji ýylyň 31-nji martynda tamamlanan birinji çärýek boýunça maliýe netijeleri barada habar berdi. Kompaniýanyň girdejisi 55,3 trln wona (45,5 mlrd dollara) barabar boldy, bu bolsa ýyllyk hasaby boýunça 5,6% ösüşe garamazdan, oňat netije bolup durýar. Bu barada megaobzor.com belleýär.
Koreý tehnologik kompaniýasynyň iň esasy artykmaçlyklarynyň biri onuň öz gerimini önümçiligiň dürli ugurlarynda giňeldijiliginden we elektron komponentlerini, şeýle hem taýýar önümi öndürýändiginden ybaratdyr. Hut şu hem oňa smartfonlara bolan islegiň pese düşmesinden gaçmaga we 6,4 trillion won (5,2 milliard dollar) möçberde operasion girdeji gazanmaga mümkinçilik berdi, bu bolsa 2019-njy ýylyň degişli döwri bilen deňeşdirilende 3,4% ýokarydyr.
Samsung kompaniýasy PK-lar üçin ýat gurluşlaryna we serwerlerine bolan sargytlaryň möçberiniň artandygyny habar berýär, sebäbi indi köp adamlar öýlerinden iş alyp barmaly bolýarlar. Ýeke bir ýarym geçirijiler biznesi 4 trillion wona (3,3 milliard dollar) getirdi, bu bolsa kompaniýanyň 2020-nji ýylyň birinji çärýegi boýunça umumy girdejisiniň üçden iki bölegine barabardyr.
Kompaniýanyň IT we mobil aragatnaşyklar bölümçesi operasion girdejisini ýyllyk aňlatmasynda 17%, ýagny 2,65 trillion wona çenli artdyrdy. Displeýleriň önümçiligi boýunça bölümçesi 6,59 trillion won möçberde girdejini we 290 milliard won möçberde operasion ýitgini hasaba aldy.