Huawei öz prosessorlaryny öndürijileri az-kem üýtgedýär

ABŞ hökümeti tarapyndan girizilen çäklendirme Huawei kompaniýasyna diňe bir ýerli kompaniýalar bilen hyzmatdaşlyk etmegi gadagan etmek bilen çäklenmän, eýsem, amerikan tehnologiýalarynyň we önümleriniň ulanylmagyna hem çäk girizýär. Hususan-da, bu Huawei bilen TSMC-niň hyzmatdaşlygyna täsir etdi. Şonuň üçin hytaý tehnologik ägirdi özüniň ýarym geçiriji önümleriniň önümçiligini diwersifikasiýalaşdyrmak kararyna geldi diýip 4pda.ru habar berýär.
Bar bolan maglumatlara laýyklykda, ABŞ-nyň hökümeti ýarym geçirijileri öndüriji TSMC taýwan kompaniýasyna täsirini ýetirýär we ony hyzmatdaşlygy bes etmäge ýa-da Huawei üçin çipleriň çykyş möçberini azaltmaga mejbur edýär. Bu talap edijilik hem delilli, sebäbi TSMC az-kem amerikan tehnologiýasyna daýanýar. Şonuň üçin Huawei ýarym geçirijileri taýýarlamak üçin sargytlaryň bir bölegini Hytaýyň territoriýasynda uly göwrümli önümçiligi bilen öwnüp biljek Semiconductor Manufacturing International Corporation (SMIC) korporasiýasyna bermek bilen özüni öňünden täze sanksiýalardan goramakçy bolýar.
Çeşme heniz 2019-njy ýylyň ahyrynda Huawei-niň inženerleriniň has döwrebap tehnologiýalara geçmegi çaltlaşdyrmak maksady bilen SMIC-däki kärdeşler bilen maslahat geçirip başlandyklaryny nygtaýar. Öň Huawei-niň SMIC-den FinFET tehnologiýalary boýunça 14-nm çiplerini sargyt edendigi belli boldy.
Indi Şanhaýdaky SMIC kärhanasynda her aýda 35 müň sany integral mikroshemalaryny taýýarlamak üçin kämilleşdirilen liniýanyň guruljakdygy habar berilýär. TSMC täze tehnologiýalary durmuşa ornaşdyrmak boýunça lider hasaplanylýar, şonuň üçin hut şu taýwan kompaniýasy Huawei üçin 5-nm çiplerini çykarmak bilen meşgullanar.