Xiaomi kompaniýasy Mi-muşdaklaryna olaryň hemişeki goldawyna minnetdarlyk bildirmek üçin her ýylda öz watany Hytaýda (we tutuş dünýä boýunça) “Mi Fan Festival” çäresini geçirýär. Baýramçylygyň dowamynda Xiaomi, adatça, täze önümlerini hödürleýär, baýrakly oýunlary we bäsleşikleri guraýar, şeýle-de öz önümlerine uly arzanladyşy hödürlemek bilen söwda gurnaýar.
Xiaomi-niň 10 ýyllygyna bagyşlanylan Mi Fan Festival apreliň başynda geçdi. Kompaniýa festiwalyň çäklerindäki satuwyň oňa 2,89 mlrd ýuan ($410 mln töweregi) girdeji getirendigini habar berdi. Mi Fan Festival-yna, umumy alanyňda, 98,6 mln adam gatnaşdy.
3dnews.ru saýtynyň Gizmochina salgylanmak bilen habar bermegine görä, kompaniýa tarapyndan neşir edilen resmi maglumatlara laýyklykda, festiwal wagtynda 1,826 mln-dan gowrak dürli Alo T-gurluşlary satyldy. Bu görkeziji geçen ýylyň degişli çäresindäkiden 160% ýokary.
Kompaniýa diňe Smart TV-sinden 231 müň sanysyny satmagy başardy. Xiaomi kompaniýasynyň, Redmi brendiniň ýolbaşçysy Lýu Weýbingiň aýtmagyna görä, söwdanyň ilkinji sagadynyň dowamynda tas 65 mln dürli gurluşlar satyldy.
Kompaniýa statistikany we iri satuw baradaky maglumatlary onlaýn režiminde görkezdi. COVID-19 pandemiýasyna seretmezden, çäre Xiaomi üçin şowly geçdi.
Xiaomi “Mi Fan Festival 2020” çäresinde $410 mln töweregi gazandy
- 11.04.2020 23:32
- 3.2k+
