2020-nji ýylyň ilkinji aýlarynda internet-banking, elektron söwda we galtaşyksyz töleg hyzmatlaryndan peýdalanýanlaryň sany birnäçe esse artdy.
Türkmenistanda bu ýörelge sanly ykdysadyýete geçmek bilen bagly amala aşyrylýar. Nagt däl hasaplaşyklaryň ulanylmagy töleg geçirmek üçin iň amatly usuldyr. Türkmenistanyň Merkezi bankynyň berýän maglumatlaryna görä, 2020-nji ýylyň ýanwar-fewral aýlarynda nagt däl hasaplaşyklaryň sany geçen ýylyň degişli döwri bilen deňeşdirilende 2,7 esse artyp, 815 mln manada deň boldy, diýip Orient agentligi habar berýär. Müşderiler hasaplaryny töleg terminallary, mobil ulgamlar we internet banklary arkaly, şeýle hem elekton söwdanyň üsti bilen töleg etdiler.
Türkmenistanda bu günki gün elektron töleg terminallary bilen söwda merkezleriniň ählisi enjamlaşdyryldy, okuw edaralarynyň, önümçilik kärhanalarynyň öz hasaplaşyk hasaplary bar.
Nagt däl hasaplaşygyň ulanylmagynyň ýörgünligi onuň tiz hem amatlylygy bilen düşündirilýär. Çünki zähmet haklary kartlara geçirilýär, olary nagt çykarmagyň zerurlygy aradan aýrylýar. Kartdan töleg etmek arkaly birnäçe işiňi azaldyp bolýar.
Şeýle hem Türkmenistanda «Altyn Asyr» kartlarynyň eýelerine «keşbek» hyzmaty hem girizildi. Bu hyzmat arkaly nagt däl hasaplaşyklar geçirilenden soňra tölegiň belli bir möçberi ýene-de karta gaýtarylyp berilýär.
Türkmenistanda nagt däl hasaplaşyklaryň möçberi 2,7 esse artdy
- 02.04.2020 20:59
- 9.2k+
