Türkmenistanyň Senagatçylar we telekeçiler birleşmesiniň merkezi binasynda geçirilen mejlisde garalyp geçilen meseleleriň hatarynda TSTB-niň başlygy Aleksandr Dadaýewiň pensiýa çykmagy bilen baglylykda wezipesinden boşadylmagyny sorap ýazan arzasyna garalyp geçildi.
Orient agentliginiň habar berşi ýaly, müdirligiň agzalary A.Dadaýewiň arzasyny biragyzdan kanagatlandyrdylar. TSTB-niň başlygynyň wezipesini wagtlaýyn ýerine ýetirmeklik TSTB-niň başlygynyň orunbasary Döwran Hudaýberdiýewiň üstüne ýüklenildi.
Türkmenistanyň Senagatçylar we telekeçiler birleşmesi 2008-nji ýylyň martynda döredildi. Döredilen gününden bäri, A.Dadaýew birleşmäniň başlygy wezipesinde işledi.
Ýakynda Türkmenistanyň Senagatçylar we telekeçiler birleşmesiniň döredilmeginiň 12 ýyllygyna bagyşlanyp geçirilen maslahatda bellenilişi ýaly, 2019-njy ýylyň 1-nji martyndan 2020-nji ýylyň 1-nji marty aralykda 1809 sany telekeçi Birleşigiň agzalygyna kabul edildi. Bu günki gün olaryň jemi sany 24 200-e ýetdi.
Aleksandr Dadaýew pensiýa çykmagy sebäpli TSTB-niň başlygy wezipesinden aýryldy
- 01.04.2020 21:06
- 18k+
