iXBT portalynyň habar bermegine görä, kompaniýa toplumlaýyn sargytlaryň göwrümini geçen ýyl bilen deňeşdirilende 18% peseltdi. Şeýle-de iPhone 12-niň anonsynyň adaty möhletlerde sentýabryň ortalarynda ýa-da ahyrynda geçirilmeginiň mümkindigine garamazdan, ony çykarmak işini soňa goýdy.
Habar berlişine görä, kärhanasy Wýetnamda ýerleşýän iPhone üçin ekranlary ýola goýujy ilkibaşda 70 million ekrana sargyt aldy, indi bolsa bu göwrüm 58 milliona çenli azaldyldy. Malaýziýadan komponentleri başga bir ýola goýujy bu ýagdaýy “günde üýtgäp durýan” ýaly häsiýetlendirdi.
Apple üçin önümleri taýýarlamaga gatnaşýan kompaniýalaryň resmi wekilleri ähli önümçilik meseleleriniň çözülendigini, toplumlaýyn sargytlaryň bolsa azaldylmandygyny aýdýarlar. Kompaniýalardaky resmi däl çeşmeler täze iPhone-a bolan islegleriň koronawirus epidemiýasy zerarly garaşylýanyndan hem pes boljakdygyny belleýärler.
Apple iPhone 11-iň komponentlerine sargydy azaldýar, iPhone 12 soňa goýulýar
- 30.03.2020 14:12
- 6.9k+
