ABŞ-nyň hökümeti Huawei üçin täze çäklendirmeleri oýlap tapdy

ABŞ-nyň hökümeti Huawei üçin täze çäklendirmeleri oýlap tapdy. Bu kompaniýa üçin mikroshemalary satyn alma işlerini kynlaşdyrar, diýip Reýter agentligine salgylanmak bilen ferra.ru habar berýär.
Geçen ýylyň maýynda ABŞ-nyň söwda ministrligi Huawei “gara sanawa” girizdi. Amerikanyň ýörite gulluklary Huawei onuň öz önümlerine yzarlaýjy “gurluşlary” oturýandygy bilen aýypladylar. Şondan bäri amerikan kompaniýasy hytaý öndürijileri bilen biznes alyp barmakda çäklendirilendir. Reýter agentligi prezident Trampyň edara wekilleriniň Huawei üçin mikroshemalaryň global üpjünçiligini çäklendirmek boýunça goşmaça çäreleri girizmek barada gürleşendiklerini habar berýär. 
Täze düzgünlere laýyklykda, mikroshemalary döretmek üçin amerikan enjamlaryny ulanýan daşary ýurt kompaniýalary ilki bilen Amerikanyň ygtyýarnamasyny almaly we diňe şondan soň özleriniň önümlerini Huawei üçin ýola goýup bilerler.
Munuň erbet tarapy hem bar. ABŞ daşary ýurtlardan edilýän eksporta gözegçilik boýunça özüniň wekilçiligini giňelder. Bu bolsa ýurduň hyzmatdaşlarynda ýaramazlyklary döredip biler, şonuň üçin heniz Trampyň bu teklibi kabul etjekdigi ýa-da däldigi belli däl. Ýöne çeşmeleriň aýtmagyna görä, eger-de bu teklip tassyklanylsa, diňe bir Huawei bilen TSMC kompaniýalary däl-de, eýsem käbir amerikan kompaniýalary hem ýitgi çeker. Muňa garamazdan, ABŞ täze düzgünleriň ýurduň senagatyna minimal täsir etmegi üçin ähli mümkin bolan zatlary eder.
Geçen ýyl Everbright Securities hytaý neşiri tarapyndan neşir edilen maglumatlara laýyklykda, KLA Corp, Lam Research we Applied Materials ýaly amerikan kompaniýalary hem Huawei kompaniýasyna özleriniň hyzmatlaryny hödürlemek mümkinçiliginden mahrum edilip bilner.