Apple kompaniýasy Fransiýa 1,1 mlrd ýewro jerime tölär

“New York Times” we “BBC” neşirleriniň maglumatlaryna görä, 2020-nji ýylyň 16-njy martynda Fransiýanyň hökümeti Apple kompaniýasyna antimonopoliýa kanunynyň talaplaryny bozandygy üçin 1,1 mlrd ýewro jerime saldy. Şeýle-de, Fransuz antimonopoliýa edarasy tarapyndan Apple-iň önümlerini tejribeli satyjylardan ikisi hem jerimä sezewar edildi – Tech Data kompaniýasy 76,1 mln ýewro we Ingram Micro kompaniýasy 63 mln ýewro. Ýagny, üç kompaniýanyň umumy jerimesi 1,24 mlrd ýewro barabar bolýar. Bu barada m.habr.com habar berýär.
“Bäsdeşlik meselesi boýunça edara firmalaryň öz torlarynyň içinde baha ylalaşygynyň we onuň satyjylar tory bilen bagly bolmadyk ykdysady garaşsyzlygyň bozulandygy üçin Apple-e 1,1 mlrd ýewro jerime saldy. Apple we onuň önümlerini tejribeli satyjylardan ikisi biri-biri bilen bäsdeşlik etmejekdikleri barada we kompaniýalaryň arasyndaky bäsdeşligiň öňüni almak barada ylalaşyga geldiler, şeýle etmek bilen olar Apple önümleriniň lomaý bazarlarynyň bäsdeşliklerini aradan aýyrýarlar” – diýip antimonopoliýa edarasynyň ýolbaşçysy Izabel de Silwa “New York Times” neşirine beren interwýusynda habar edýär.
Bu fransuz antimonopoliýa edarasynyň taryhynda onuň bir kompaniýa salan iň uly jerimesi bolup durýar. Bu kanuny bozulmalar boýunça derňewler bäsdeşlik meseleleri boýunça Fransuz edarasyna (Autorité de la concurrence, ADLC) Apple-iň premium reselleri eBizcuss-yň beren arzasy bilen baglylykda 2012-nji ýylda başlandy.
Apple Fransuz antimonopoliýa edarasynyň bu çözgüdinden şikaýat etmek isleýär, bu barada kompaniýanyň wekili Joş Rozenstok “CNBC” neşirine beren interwýusynda aýdýar.
“Fransuz antimonopoliýa komitetiniň karary oňaýsyz ýagdaýa salýar. Ol 10 ýyldan gowrak wagt bäri dowam eden tejribä täsir edýär we Fransiýadaky ähli kompaniýalaryň daýanýan otuzýyllyk hukuk göreldesini ýok edýär. Bu ähli pudakdaky kompaniýalarda bulam-bujarlyk döreder. Biz bu karar bilen asla ylalaşamzok we şikaýat etmegi meýilleşdirýäris” – diýip, Apple-iň wekili aýdýar.
Öň, 2020-nji ýylyň 2-nji martynda Apple kompaniýasy 2017-nji ýylda iOS täzelenenden soň haýal işläp başlan köne iPhone-laryň eýelerine töleg hökmünde $500 million bermäge razy boldy. Apple özüniň kanuny bozandygyny inkär edýär, ýöne şeýle etmek bilen ol kazyýet işinden gaçmakçy bolýar.
2020-nji ýylyň 30-njy ýanwarynda amerikan kazyýeti Apple we Broadcom kompaniýalaryna Kaliforniýanyň tehnologiýa institutyna maglumatlary Wi-Fi boýunça simsiz geçirmegiň çäklerinde institut tarapyndan bellenilen çözgütleri bikanun ulanandygy üçin degişlilikde $837,8 mln we $270,2 mln tölemeli etdi. Kazyýetiň bildirişinde kompaniýalaryň institutyň dört patentini bozandygy habar berilýär. Bu patentler maglumatlary simsiz geçiriji tehnologiýalara degişli edilýär.