Tesla kompaniýasynyň ýolbaşçysy Ilon Mask bazardaky deňagramsyzlyk zerarly 5,5 milliard dollar ýitirdi. Bu barada Forbes žurnaly habar berýär diýip, Trend agentligi Ria Nowosti agentligine salgylanyp belleýär.
OPEC+ döwletleri 6-njy martda ne nebitiň çykarylyşyny çäklendirmek baradaky ylalaşygyň düzgünlerini üýtgetmek babatda, ne-de onuň möhletini uzaltmak barada ylalaşyp bildiler. Netijede, 1-nji aprelden gurama gatnaşýan döwletlerde nebitiň çykarylyşyny çäklendirmek hakynda ähli çäklendirmeler güýjüni ýitirýär. Koronawirusyň ýaýramagy baradaky habarlar bilen birlikde bu habar hem nebit we beýleki bazarlarda düýpli aşaklamanyň ýüze çykmagyna getirdi.
Geçen hepde diňe bir Ilon Mask üçin çylşyrymly bolmady. Neşiriň bellemegine görä, geçen ýedi günde dünýäniň on sany iň iri milliarderleri 76,4 milliard dollaryny ýitirdi.
Uly ýitgi çekenleriň içinde «LVMH» kompaniýasynyň prezidenti Bernar Arno (14 milliard dollar ýitirdi), Inditex holdingini esaslandyryjy (Zara brendiniň eýesi) Amansio Ortega (12,8 milliard dollar) bar.
«Amazony» esaslandyryjy Jef Bezos 6 milliard dollardan gowrak ýitirendigine garamazdan, dünýäniň iň baý adamsy adyny saklap galdy. Häzirki wagtda onuň emlägi 110,5 milliard dollar möçberinde bahalandyrylýar.
«Tesla» kompaniýasy bir hepdede 5,5 mlrd dollar ýitirdi
- 15.03.2020 15:35
- 7.3k+
