17-18-nji martynda Söwda-senagat edarasynyň binasynda sergi geçiriler. Senagatçylar we telekeçiler birleşmesiniň döredilmeginiň 12 ýyllygy mynasybetli geçiriljek çärelere taýýarlyk görlüşi barada Ministrler Kabinetiniň Başlygynyň orunbasary Ç.Gylyjow ýakynda geçirilen hökümet mejlisinde hasabat berdi.
Bellenilişi ýaly, serginiň işine Senagatçylar we telekeçiler birleşmesiniň dürli ugurlar boýunça iş alyp barýan agzalarynyň 200-den gowragy gatnaşar. Giň möçberli sergide ykdysadyýetimiziň hususy pudagynyň ýeten derejeleri, hususy telekeçileriň ýerine ýetirýän hyzmatlary, taýýarlan hem-de içerki we daşarky bazarlarda uly isleg bildirilýän ýokary hilli önümleri görkeziler.
Sergi şeýle hem ýurdumyzyň telekeçileriniň sanly ykdysadyýetiň ösüşiniň netijeleri, önümçilige ýokary tehnologiýalaryň, täzeçil işläp taýýarlamalaryň ornaşdyrylyşy bilen tanyşmaga mümkinçilik berer.
Mundan başga-da, sergi bilen ugurdaş Senagatçylar we telekeçiler birleşmesiniň agzalarynyň maslahatyny geçirmek göz öňünde tutulýar.
17-nji martda ykdysadyýetimiziň hususy pudagynyň ýeten derejelerine bagyşlanan sergi açylar
- 14.03.2020 23:57
- 3.8k+
