«Türkmenawtoulaglary» agentligi 400 sany «Hyundai AII New Super Aero City» kysymly şäher içi awtobusy hem-de olar üçin ätiýaçlyk şaýlaryny we sarp ediş serişdelerini satyn alar. Bu barada ýakynda geçirilen hökümet mejlisinde habar berildi.
Türkmenistanyň Prezidentiniň gol çeken Kararyna laýyklykda, «Türkmenawtoulaglary» agentligine Koreýa Respublikasynyň «Hyundai» korporasiýasy bilen awtobuslaryň täze tapgyryny satyn almaga şertnama baglaşmaga ygtyýar berildi.
Bellenilişi ýaly, bu resminama ilata edilýän awtoulag hyzmatlarynyň hilini has-da ýokarlandyrmak boýunça öňde durýan wezipeleri üstünlikli durmuşa geçirmek maksady bilen kabul edildi.
Belläp geçsek, Türkmenistan eýýäm ençeme ýylyň dowamynda şäher içi ugurlarynda «Hyundai» awtobuslaryndan peýdalanýar. Mundan öň, «Hyundai» kysymly awtobuslary 2016-njy ýylda Ýapyk binalarda we söweş sungaty boýunça V Aziýa oýunlaryna taýýarlygyň çäklerinde köpçülikleýin satyn alyndy. Şonda bu awtobuslaryň 500 sanysy satyn alyndy.
Türkmenistan «Hyundai» şäheriçi awtobuslarynyň 400 sanysyny satyn alar
- 08.03.2020 14:13
- 5.9k+
