Şu ýylda “Ýewropada ýylyň awtomobili” bäsleşiginde 281 bal ýygnamak bilen täze nesliň Peugeot 208 hetçbegi ýeňiş gazandy. Bu barada kommersant.ru habar berýär.
Bu bäsleşik 1963-nji ýyldan bäri geçirilýär we awtogurluşyk ugrundan hünär alýan žurnalistler tarapyndan gowşurylýar. Birinjilik üçin göreşde fransuz modeli degişlilikde 242 we 222 bal gazanan Tesla Model 3 we Porche Taycan elektromobillerini yzda galdyrdy.
Olaryň yzyndan tertip boýunça Renault Clio (211 bal), Ford Puma (209 bal), Toyota Corolla (152 bal) we BMW 1-Series (133 bal) gelýär. Bu awtomobilleriň arasynda ballar Ýewropanyň 23 döwletinden 60 žurnalisti öz içine alýan professional eminler tarapyndan paýlanyldy.
Bir zady belläp geçmek gerek, bu ýeňiş fransuz brendi üçin bäsleşigiň tutuş taryhynyň dowamynda bäşinji ýeňşi boldy. Soňky gezek Peugeot 2017-nji ýylda utdy, şonda birinji setirde 3008 krossoweri ýerleşdi.
Ýatladyp geçsek, Peugeot 208-iň täze nesli 2019-njy ýylyň fewralynda hödürlenildi.
Peugeot 208 Ýewropada ýylyň awtomobili boldy
- 04.03.2020 11:43
- 3.5k+
