Hytaý täze milliarderleriň sany boýunça ABŞ-dan öňe geçdi

Hytaýyň Hurun derňew kompaniýasy dünýäniň täze milliarderleriniň sanawy baradaky derňewini neşir etdi. Dünýäniň iň baý adamlarynyň Hurun Global Rich List 2020 reýtingine laýyklykda, bir ýylyň içinde Hytaýda ABŞ-a garanda täze milliarderleriň sany üç esse artdy. Hasabatyň maglumatlaryna görä, Hytaýda bir ýylyň içinde 182 sany täze milliarderler ýüze çykdy, netijede milliarderleriň umumy sany ýurtda 800 adama ýetdi. Bu barada inforeactor.ru habar berýär.
Hurun-yň hünärmenleriniň belleýşi ýaly, ABŞ-da şol bir wagtda milliarderleriň sany 59 adam artdy, umumy sany 626 diýlip hasaplanylýar. “Häzirki wagtda Hytaýda ABŞ-a we Hindistana garanda milliarderleriň sany köp” – diýip, “Hurun Report” neşirini esaslandyryjy Rupert Hugewerf belleýär. Täze koronawirus ýaýrawy Hytaýyň ekonomikasyna negatiw täsir etdi, ýöne ol onlaýn-bilim, onlaýn-oýun we waksinasiýa gurşawynda hytaý kompaniýalarynyň paýnamalarynyň bahasynyň ösmegine getirdi. Hytaýyň ilatynyň köp böleginiň karantin zerarly öýde galmaly bolýandyklary we syýahatlarda çäklendirilýändigi sebäpli, onlaýn-hyzmatlaryna bolan isleg artdy, bu barada Hurun-yň hasabatynda aýdylýar. Muňa garamazdan, iň baý adamlaryň sanawyna üç ýyl bäri Amazon kompaniýasynyň esaslandyryjysy Jeff Bezos ($140 mlrd) ýolbaşçylyk edýär.
Analitikleriň maglumatlary boýunça, milliarderleriň köp bölegi Pekinde (110 adam) ýaşaýar, HHR-niň paýtagty bu rekordy eýýäm bäşinji ýyl yzygider saklaýar. Amerikan Nýu-Ýorkynda olar biraz az: 98 adam. Reýtingiň yzyny Gonkongdan öňe geçip, 86 milliarderi bilen hytaý Şanhaýy dowam etdirýär.