2019-njy ýyl boýunça dünýäde örän baý adamlaryň sany ýokarlandy. Muňa Wealth-X analitik kompaniýasynyň maglumatlary şaýatlyk edýär.
— Emlägi 5-den 30 million dollar aralygynda bahalandyrylýan örän baý adamlaryň sany (VHNW) 2019-njy ýylda 10%-den gowrak ýokarlandy – diýlip, geçirilen barlagda aýdylýar.
Dünýäde örän baý adamlaryň sanynyň indi 2,7 mln-a ýetendigi bellenilip geçilýär, bu bolsa 2019-njy ýyl boýunça 10% ýokarlanandygyny aňladýar.
Şeýle adamlaryň umumy emläginiň hem 10% ýokarlanyp, $26,6 trln-a ýetendigi hem anyklandy. 2018-nji ýylda örän baý adamlaryň sanynyň bary-ýogy 1% ýokarlanandygy bellenilýär. Örän baý adamlaryň sanynyň ösüşi boýunça Demirgazyk Amerika lider boldy. Ol ýerde örän baý adamlaryň emlägi 15% ýokarlandy. Bu barada gazeta.ru habar berýär.
Mundan başga-da örän baý adamlaryň sanynyň ösüşi Aziýada we Afrikada hem bellige alyndy. Ýewropada we Ýuwaş ummany sebitlerinde hem görkeziji Ýakyn Gündogara garanda, ýokary boldy. Latyn Amerikada we Karib basseýniniň ýurtlarynda maddy-hal ýagdaýyň ösüş derejesi ýüze çykarylmady.
Kompaniýa emlägi 30 million dollardan ýokary bolan adamlary ultrabaý adamlar diýip atlandyrýar.
Dünýäde örän baý adamlaryň sany 10% artdy
- 15.02.2020 22:40
- 8.7k+
