Şu ýylyň 17-18-nji martynda Aşgabatda Halkara maýa goýum forumy geçiriler. Bu barada Trend agentligi forumyň hemaýatkäri bolan — Türkmenistanyň Senagatçylar we telekeçiler birleşmesine salgylanyp habar berýär.
Bilelikdäki guramaçylar hökmünde TMT («Türkmen maslahatçylar topary») konsalting topary çykyş edýär. Forumyň sessiýalarynyň barşynda döwlet-hususy hyzmatdaşlygynyň meseleleri we Türkmenistanda senagat, oba hojalyk, ulag, logistika we syýahatçylyk pudaklaryny ösdürmegiň geljegi ara alnyp maslahatlaşylar. Şeýle hem forumyň çäklerinde gyzyklanma bildirýän taraplar bilen işewür gepleşikleri geçirmeklik meýilleşdirilýär.
Forumyň çäklerinde ýerli telekeçileriň gazanan üstünliklerine bagyşlanan sergi-ýarmarka geçiriler.
Belläp geçsek, Türkmenistanyň Senagatçylar we telekeçiler birleşmesi 20 müňden gowrak telekeçileri özüne birleşdirýär we hereket edýän kadalaşdyryjy namalara laýyklykda, bu telekeçiler maýa goýumlary çekmek arkaly daşary ýurtly hyzmatdaşlar bilen bilelikdäki kärhanalary döredip bilýärler.
Aşgabatda halkara maýa goýum forumy geçiriler
- 28.01.2020 16:08
- 3k+
