App Annie marketing kompaniýasynda bellenilişine görä, ýewropa öndürijileriniň arasynda mobil programmalarynyň 2019-njy ýyldaky girdejileri boýunça Mail.ru kompaniýasynyň reýtingiň ilkinji üçlügine girdi, bu barada 17-nji ýanwarda TACC habar berýär.
App Annie kompaniýasy mobil programmalarynyň bazaryny seljermeklige ýöriteleşdirilen. Onuň reýtinginde ulanyjylaryň App Store we Google Play ýaly platformalar arkaly programmalary almaklaryna degişli maglumatlar jemlenen. 2019-njy ýyl boýunça TOP-10 reýtinginiň lideri Finlýandiýadan “Clash of Clans” mobil oýnuny ýola goýmaklyga ýöriteleşdirilen Supercell kompaniýasy boldy. Ikinji orny Irlandiýadan oýunlary işläp düzüji Playrix kompaniýasy eýeledi. Üçünji orunda bolsa Mail.ru.
Barlagyň netijelerine teswir bermek bilen, Mail.ru kompaniýasynda holdingiň oýun ugrundan alnyp barylmagynyň esasy diýlip kesgitlenilendigi bellenildi. 2019-njy ýylyň görkezijileri boýunça, bu segmentde girdejileriň ösüşi geçen döwür bilen deňeşdirilende tas 25%-e barabar boldy.
Ýatlap geçsek, Mail.ru kompaniýasy daşary ýurtlar boýunça hem öz çägini giňeldýär. 2019-njy ýylda oýunlardan gazanylan girdejileriň 2/3 bölegi daşary ýurtlardan geldi.
Mail.ru mobil programmalarynyň ýewropa reýtinginde üçünji orny eýeledi
- 17.01.2020 23:42
- 1.8k+
