«Forbes» 2019-njy ýylyň iň girdejili we ýitgili milliarderlerini atlandyrdy

«Forbes» žurnaly soňky 12 aýyň dowamynda dünýäniň beýleki baý adamlaryna garanda has köp gazanmagy başaran milliarderleri atlandyrdy. Bu barada TACC-a salgylanmak bilen Trend habar berýär.
Žurnalyň işgärleri $1 mlrd-dan az bolmadyk ölçegdäki emlägiň eýesi hasaplanylýan takmynan, 2,2 müň şahs baradaky informasiýany seljerdiler. Gürrüň diňe erkin gatnaşykdaky kompaniýa, paýnama pul goýýanlar barada gidýär. Bu adamlaryň 2018-nji ýylyň 28-nji dekabryndan häzirki ýylyň 13-nji dekabryna çenli döwürdäki hususy serişdeleriniň jemi gymmatynyň üýtgeýşi göz öňünde tutuldy.
Neşiriň bellemegine görä, maliýe gatnaşykda hasabat döwri jemi tas $112 mlrd gazanan bäş sany milliarder üçin has üstünlikli boldy. Bu sanawa Louis Vuitton Moet Hennessy kompaniýasynyň fransuz toparynyň müdiri Bernar Arno, Facebook amerikan korporasiýasynyň ýolbaşçysy Mark Sukerberg, Zara ispan söwda torunyň eýesi Amansio Ortega, Microsoft amerikan kompaniýasynyň öňki ýolbaşçysy Stiw Balmer, şeýle-de Reliance Industries hindi holdinginiň eýesi Mukeş Ambani girdi.
Arno hasabat döwründe $40 mlrd gazandy, onuň jemi emlägi $107,7 mlrd-a çenli artdy. Sukerberge degişli serişdeleriň bahasy $22,1 mlrd, ýagny $72 mlrd-a çenli ýokarlandy. Orteganyň emlägi $17,3 mlrd, $74,9 mlrd-a çenli artdy. Balmeryňky - $16,3 mlrd, $56,3 mlrd-a çenli, Ambaniňki - $16,1 mlrd, $61,4 mlrd-a çenli.
Žurnal soňky 12 aýyň dowamynda hususy serişdeleriniň jemi bahasy beýlekilere garanda has azalan bäş sany milliarderi hem atlandyrdy. Sanawa $14,1 mlrd-y elden gidiren hindi biznesmeni Azim Premži ýolbaşçylyk etdi. Bu puluň bir bölegini telekeçi haýyr-sahawat zerurlygyna bagyş etdi, onuň jemi emlägi $7,2 mlrd-a çenli peseldi. Ikinji orny Amazon amerikan kompaniýasynyň ýolbaşçysy Jeff Bezos eýeledi. Onuň hususy serişdeleriniň jemi bahasy nika bozulmada emlägiň bölekleýin bölünmegi netijesinde $13,1 mlrd, ýagny $109,7 mlrd-a çenli peseldi. Forbesiň bahalandyrmasyna laýyklykda, Bezos dünýäde iň baý adam.